From Wikipedia, the free encyclopedia
HMS Royal Scotsman was 'n landingskip van die Britse Koninklike Vloot wat tydens die Tweede Wêreldoorlog as troepeskip diens gedoen het. Die skip is oorspronklik as Werfnommer 964 (Yard No. 964) deur die skeepswerf Harland and Wolff in Belfast, Noord-Ierland in opdrag van die redery Burns and Laird Lines gebou en op 11 Maart 1936 te water gelaat. Ná sy voltooiing op 29 Mei 1936 is dit onder die naam MV Royal Scotsman as gekombineerde passasiers- en vragveerboot in die Ierse See op die roete tussen Belfast en Glasgow in diens gestel.[1]
In 1967 is die skip deur die Kerk van Sciëntologie gekoop en het onder sy nuwe naam Apollo as vlagskip van die Kerk se religieuse orde, die Sea Org, en as die privaat woning van Kerkstigter L. Ron Hubbard en sy gesin gedien. Terwyl Apollo in die Middellandse See en langs die kuste van Europa en Afrika gevaar het, het dit as hoofkwartier van die Kerk van Sciëntologie gedien totdat in 1975 'n nuwe vastelandse hoofkwartier in Clearwater, Florida gevestig is.
Die skip is in 1977 aan 'n skrootonderneming verkoop en sou vervolgens nog as restaurantskip diens gedoen het. In 1984 het die Apollo sy laaste vaart na 'n skrootwerf in Texas onderneem nadat dit in 'n ongewone botsing met 'n vragtreinlokomotief in sy ankerplek beskadig is.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.