From Wikipedia, the free encyclopedia
Die Groot Moskee van Doebai is ’n moskee in Doebai in die Verenigde Arabiese Emirate. Dit is in 1900 die eerste keer gebou, daarna gesloop en in 1960 herbou. In 1998 is dit weer weer herbou in sy huidige vorm. Dit het plek vir 1 200 aanbidders.[1]
Groot Moskee van Doebai | ||
![]() | ||
Ligging | Doebai, Verenigde Arabiese Emirate | |
Voltooi | 1900, 1960, 1998 | |
Spesifikasies | ||
Minaret(te) | 1 | |
Minarethoogte | 70 m | |
Koepel(s) | 54 | |
Kapasiteit | 1 200 |
Die moskee is die middelpunt van Doebai se godsdiens- en kultuurbedrywighede.[2] Niemoslems word nie daarin toegelaat nie buiten in die minaret, van waar foto's geneem mag word.[3][4]
Die moskee was oorspronklik ’n skool vir die bestudering van die Koran en het sy eerste studente in 1900 toegelaat.[4] Die gebou is in 1960 deur ’n moskee vervang, en dié is in 1998 weer herbou. Die laaste gebou is meer in die styl van die oorspronklike skool van 1900.[3][5]
Dit is een van die grootste moskees in Doebai.[3]
Die hoogste deel van die moskee is die minaret van 70 m, die hoogste in Doebai, wat soos ’n vuurtoring lyk. Die sandkleur-grys mure is hoofsaaklik onversier, maar daar is ’n groot inskripsie uit die Koran bo die vyf pilare van die ingangsfassade.[3][5] Altesaam 45 klein en nege groot koepels bedek die dak.[3]
Die houtvensters bevat handgemaakte, getinte glas en pas in by die ou stad, Boer Doebai. Die minaret is in die Anatoliese boustyl.[4]