![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Ekarma_-_Landsat_7.jpg/640px-Ekarma_-_Landsat_7.jpg&w=640&q=50)
Ekarma
From Wikipedia, the free encyclopedia
Ekarma (Russies: Экарма; Japannees: 越渇磨島, Ekaruma-tō) is 'n onbewoonde vulkaniese eiland van die Koerile-argipel in die See van Ochotsk, noordwestelike Stille Oseaan. Dit val in die Sachalin-oblast van Rusland en word deur die Straat van Ekarma van die eiland Sjiasjkotan geskei. Die naam kom van die inheemse taal Ainoe en beteken "veilige ankerplek".
Kitsfeite Ligging, Plaaslike naam ...
Ekarma | |
---|---|
Eiland van die Koerile | |
![]() Satellietbeeld van Ekarma. | |
Ligging | See van Ochotsk |
Plaaslike naam | Экарма 越渇磨島 |
Argipel | Koerile |
Oppervlakte | 30 km2 |
Lengte | 7,4 km |
Breedte | 5,5 km |
Hoogste punt | Pik Ekarma |
Hoogte | 1 170 m |
Land | ![]() |
Deelgebied | Sachalin-oblast |
Bevolking | 0 |
Sluit
Ekarma is rofweg ovaalvormig en is 7,4 km lank en 5,5 km breed. Sy oppervlakte is sowat 30 km2.[1]
Die eiland bestaan uit twee oorvleuelende stratovulkane, wat saam Pik Ekarma genoem word. Dit is 1 170 m hoog. Lawastrome kom reg rondom die sentrale piek voor en vorm 'n oneweredige kuslyn. Die laaste uitbarsting was in Mei 1980.