From Wikipedia, the free encyclopedia
Durum, of Triticum durum (soms ook Triticum turgidum subsp. durum),[1] is die enigste tetraploïede graanspesie van kommersiële belang wat vandag wyd verbou word.[2] Dit is die graansoort wat die meeste in die Midde-Ooste voorkom.
| Durum | |
|---|---|
 | |
| Wetenskaplike klassifikasie | |
| Koninkryk: | |
| Divisie: | |
| Klas: | Liliopsida |
| Orde: | Poales |
| Familie: | |
| Subfamilie: | Pooideae |
| Tribus: | Triticeae |
| Genus: | Triticum |
| Spesie: | T. durum |
| Binomiale naam | |
| Triticum durum L. | |
Durum beteken "hard" in Latyn, en dié spesie is die hardste graansoort. Dit verwys na die weerstand van die koring om gemaal te word. Dit maak durum gunstig vir die maak van semolina en pasta, en minder prakties vir meel.
Kommersieel vervaardigde droë pasta, of pasta secca, word feitlik uitsluitlik van durumsemolina gemaak.[3] Durummeel en -semolina is ideaal vir die maak van pasta omdat die deeg wat daarvan gemaak word, maklik is om te vorm (in byvoorbeeld plat velle), in teenstelling met elastiese brooddeeg. Vir die maak van die meeste tuisgemaakte vars pastas (pasta fresca), soos orecchiette en tagliatelle, word ook durum, of ’n kombinasie van koring (sagte) en harde graan, gebruik.
Gedop maar ongemaal, of net liggies gemaal, word dit gebruik vir die semolina in die couscous van Noord-Afrika en die Levant. Hier vorm dit die basis van baie soppe, vullings, poedings en pasteikorse.[4] Wanneer dit so fyn soos meel gemaal word, word dit gebruik vir die maak van brood.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
