voorwerpe wat drie meetkundige dimensies het From Wikipedia, the free encyclopedia
Driedimensioneel, dikwels afgekort as 3D, dui op voorwerpe wat drie meetkundige dimensies het: lengte, breedte en hoogte. Voorbeelde van driedimensionele voorwerpe is 'n bol, piramide of skoendoos.
Wat met terme soos 3D-foto's, 3D-film of 3D-grafika bedoel word, is nie altyd duidelik nie. By rekenaarspeletjies word die term 3D dikwels gebruik vir perspektiwiese beelde. Dit word egter ook gebruik vir die tegniek wat andersins bekend staan as stereoskopie, waar daar twee verskillende beelde is: een vir elke oog. Stereobeelde is nie eg ruimtelik nie, maar deur bepaalde truuks (byvoorbeeld 'n bril met een rooi en een blou lens) word die indruk gewek dat dit driedimensioneel is. Die aanduiding 3D het hier betrekking op onverwagte visuele beelde. 'n Mens verwag 'n tweedimensionele beeld, maar sien 'n driedimensionele een.
Ander belangrike begrippe is:
Prisma: Dit is 'n 3D-voorwerp met twee (2) identiese, ewewydige vlakke wat veelhoeke is.
Piramide: Dit is 'n 3D-voorwerp waarvan die basis 'n veelhoek (poligoon) en al die ander vlakke driehoeke is.
Tetraëder: Dit is 'n piramide waarvan al vier (4) vlakke identiese driehoeke is.
Vlak: 'n Plat oppervlak van 'n voorwerp.
Net: 'n Plat patroon van 'n 3D-voorwerp wat jy kan uitknip, vou en aanmekaar plak om 'n model van 'n spesifieke 3-D-voorwerp te maak.
Rand: Die lyn waar twee vlakke van 'n 3D-voorwerp ontmoet.
Reghoekige prismas is 'n soliede figure waarvan tenminste een stel teenoorstaande vlakke reghoeke is en al die sye verbind loodreg.
'n Kubus is 'n simmetriese driedimensionele voorwerp waarvan alle vlakke vierkante is.
'n Geometriese figuur met twee identiese basisse, gelyk en parallelle reglynige figure wat parallelogramme as sye het.
Viervlakke of driehoekige piramides – 'n Struktuur met 'n driehoekige basis met skuins vlakke wat 'n punt vorm aan die bokant.
'n Struktuur met 'n veelhoek as 'n basis, met skuins vlakke wat 'n punt vorm aan die bokant.
Wanneer ons na verskillende voorwerpe en vorms kyk, kan ons die vorms en voorwerpe vergelyk deur na die volgende te kyk:
| Naam van 3D-voorwerp | Aantal hoekpunte | Aantal rande | Aantal vlakke |
|---|---|---|---|
| Driehoekige prisma | 6 | 9 | 5 |
| Pentagonale prisma | 10 | 15 | 7 |
| Vierkantige-basis-piramide | 5 | 8 | 5 |
| Driehoekige piramide | 4 | 6 | 4 |
| Silinder | 0 | 2 | 3 |
| Sfeer | 0 | 0 | 1 |
| Kubus | 8 | 12 | 6 |
Ander vergelykings wat gemaak moet word, is met alledaagse voorwerpe om ons met 3D-vorms, byvoorbeeld 'n langlewemelkhouer wat die vorm van 'n reghoekige prisma het.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
