Damaskus Internasionale Lughawe
From Wikipedia, the free encyclopedia
Damaskus Internasionale Lughawe (Arabies: مَطَار دِمَشْق الدَّوْلِيّ Maṭār Dimašq ad-Dawaliyy) (IATA: DAM, ICAO: OSDI), is die internasionale lughawe van Damaskus, die hoofstad van Sirië. Dit is in die middel-1970's ingewy en was ook die land se besigste lughawe. In 2010 het 'n geraamde 5,5 miljoen passasiers die lughawe gebruik, 'n toename van meer as 50% sedert 2004.[1]
| Damaskus Internasionale Lughawe مطار دمشق الدولي | |||
|---|---|---|---|
| IATA: DAM – ICAO: OSDI | |||
| Opsomming | |||
| Tipe lughawe | Burgerlik en militêr | ||
| Bedien | Damaskus, Sirië | ||
| Spil vir | * Cham Wings Airlines
| ||
| Hoogte bo seevlak | 616 m / 2 020 vt | ||
| Koördinate | 33°24′41″N 36°30′56″E | ||
| Webtuiste | |||
| Landkaart | |||
  DAM | |||
| Aanloopbane | |||
| Rigting | Lengte | Oppervlak | |
| m | vt | ||
| 05R/23L | 3 600 | 11 811 | Teer |
| 05L/23R | 3 598 | 11 804 | Teer |
| Statistieke (2010) | |||
| Passasiers | 5 500 000 | ||
In die laat 1980's het die Damaskus-lughawe 'n omvattende lugdiens gebied. Meer as 30 lugrederye het by die stad aangedoen, met ononderbroke vlugte na verskeie bestemmings in Europa, Noord-Afrika, die Midde-Ooste en Suid-Asië. [2]
.jpg)
In Maart 2007 het Iran Air 'n direkte verbinding tussen Damaskus en Suid-Amerika ingewy. Die lugredery het vir 'n kort tydperk na Caracas gevlieg met Boeing 747's voordat sy vennoot Conviasa die roete oorgeneem het.[3][4][5] Vlugte het aanvanklik in Teheran ontstaan.[6] Teen vroeg in 2011 het Conviasa 'n stop in Madrid by die vlug gevoeg.[7]
Sedert die aanvang van die Siriese Burgeroorlog is die lughawe en die pad wat daarheen lei af en toe gesluit en die meeste internasionale lugrederye het vlugte gestaak. Verskeie lugrederye soos Emirates en EgyptAir met voormalige gereelde diens na Damaskus het hul vlugte na Damaskus gekanselleer. British Midland International en British Airways het in Mei 2012 ook opgehou om na Damaskus te vlieg, terwyl Royal Jordanian in Julie 2012 opgehou het. In November en Desember 2012 is intense gevegte rondom die lughawe aangemeld, wat gelei het tot 'n tweedae-lange sluiting. [8]
Op 20 Mei 2022, as deel van voortdurende Israeliese aanvalle op Sirië, het Israel 'n missielaanval op 'n Siriese militêre pos naby die lughawe geloods en drie Siriese soldate het gesterf. Verskeie Israeliese missiele is glo ook deur Siriese lugverdedigingstelsels afgeskiet. Sommige vlugte is ook gekanselleer as gevolg van die aanval.[9] [10]
Die lughawe is 30 km suidoos van Damaskus geleë en word met 'n hoofweg aan die stad verbind. 'n Pendelbus ry tussen die middestad en die lughawe.
Die lughawe is van Islamitiese argitektuur en het twee terminale, een vir internasionale vlugte en een vir binnelandse vlugte. Die lughawe beskik oor twee belastingvrye verkooppunte. Die vertreksaal sluit ook 'n koffiewinkel, verskeie aandenkingswinkels, drie restaurante en 'n sitkamer vir eerste- en sakeklaspassasiers in. [11]
Die suidelike deel van die lughawe het verharde vliegtuigskuilings en artilleriebeskerming.[12]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
