From Wikipedia, the free encyclopedia
Cork (Iers: Corcaigh [ˈkoɾkɪɟ], afgelei van corcach "moeras") is die tweede grootste stedelike nedersetting in die Republiek Ierland na Dublin en die derde grootste op die eiland Ierland met 'n bevolking van 210 000 in die stads- en meer as 300 000 in die metropolitaanse gebied. Alhoewel die stad as administratiewe setel van die gelyknamige graafskap dien, val dit administratief nie onder dié graafskap nie, maar is selfregerend. Die Ierse regstelsel gee aan die stadsraad van Cork dieselfde status as aan 'n graafskapsraad.
City of Cork Corcaigh (Iers-Gaelies) | |
|---|---|
Stad | |
 Van bo, links na regs: Die stadsaal van Cork, die Engelse Mark, die Universiteitskollege van Cork, die Leerivier, die Sint-Anna-kerk | |
_coat_of_arms.svg) Seël | |
| Byname: The Rebel City, Leeside, The Real Capital | |
| Leuse(s): Statio Bene Fida Carinis ('n Veilige hawe vir skepe) | |
  City of Cork | |
| Koördinate: 51°53′49″N 8°28′41″W | |
| Land |  Republiek van Ierland |
| Provinsie | Munster |
| Graafskap | Cork |
| Stigting | 6de eeu n.C. |
| Stadstatus | 1185 |
| Regering | |
| • Tipe | Stadsraad en burgemeester |
| • Burgemeester (Lord Mayor) | John Sheehan (FF) |
| Oppervlak | |
| • Totaal | 187 km2 (72 vk. myl) |
| Hoogte | 0 m (0 ft) |
| Bevolking | |
| • Totaal | 210 000 |
| • Digtheid | 1 123/km2 (2 910/vk. myl) |
| Tydsone | UTC+00:00 (WET) |
| • Somertyd | UTC+01:00 (IST) |
| Skakelkodes | 021 |
| Webwerf | corkcity.ie |
Cork, wat in die sogenaamde Suidwesstreek (South-West Region) en die provinsie Munster geleë is, het langs die oewer van die River Lee ontstaan wat hier, naby die westelike stadsrand, in twee kanale vertak. Die middestad is op die riviereiland geleë wat deur die twee kanale gevorm word. Net oos van Cork se middestad, waar die twee kanale weer tot een rivierloop verenig, het hawehowe en dokke langs die oewers ontstaan wat tot Lough Mahon, 'n inham van die see, en Cork-hawe strek - een van die wêreld se grootste natuurlike seehawens.
Die stadsgebied is in Mei 2019 merkbaar uitgebrei met die insluiting van woonkwartiere rondom Cork-lughawe en die aangrensende nedersettings Douglas, Rochestown, Ballincollig, Blarney en Glanmire.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
