![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0e/B-58_%2528modified%2529.jpg/640px-B-58_%2528modified%2529.jpg&w=640&q=50)
Convair B-58 Hustler
Amerikaanse supersoniese bomwerper / From Wikipedia, the free encyclopedia
Die Convair B-58 Hustler was die wêreld se eerste supersoniese bomwerper. Dit was 'n Amerikaanse vliegtuig en ontwikkel om die Amerikaanse Lugmag se Boeing B-47 Stratojet te vervang. Die vliegtuig het sy nooiensvlug op 11 November 1956 en in Desember van dieselfde jaar sy eerste supersoniese vlug voltooi. Daar was 116 eenhede gebou insluitend 30 toets- en voorproduksie modelle.
Convair B-58 Hustler | |
---|---|
Tipe | Strategiese bomwerper |
Vervaardiger | Convair |
Nooiensvlug | 11 November 1956 |
Vrygestel | 15 Maart 1960 |
Onttrek | 31 Januarie 1970 |
Status | Uit diens gestel |
Hoofgebruiker | Amerikaanse Lugmag |
Aantal gebou | 116 |
Die vliegtuig was ontwerp in antwoord op 'n moeilike spesifikasie van Amerika se Strategic Air Commands, van die bepalings was dat die bomwerper teen Mach 2 moes kon vlieg op hoë hoogtes, kernbomme akkuraat moes kon laat val en so klein as moontlik wees om vyandelike radar te kon ontwyk.
Die vliegtuig met al sy wapens, toerusting en stelsels was vir die eerste beskou as een unieke wapenstelsel en die vervaardiger, Convair, was verantwoordelik dat alles geïntegreer word en korrek werk. Dit het beteken dat nuwe terreine betree moes word en het ook tot vertragings in aflewering gelei. Dit het ook tot gevolg gehad dat baie nuwe tegnologie gebruik is vir die ontwikkeling van die vliegtuig. Daar was gebruik gemaak van hittebestande, vlekvrye staal en heuningkoekvormige panele vir die vlerke en romp.