From Wikipedia, the free encyclopedia
Clocolan is 'n dorpie in die Oos-Vrystaat en is in 1907 gestig. Die dorpie lê aan die R26-pad, halfpad tussen Bethlehem en Bloemfontein. Die dorp is op die plase Reinzi en Harold aangelê en het sy naam te danke aan die Afrikanerboere wat in die omgewing geboer het wat die uitspraak van die "Hlohlowane"-berg (wes van die huidige Clocolan) verdraai het. "Hlohlowane" is 'n Sothowoord en beteken "rif van die veldslag".
Clocolan (Hlohlolwane bygereken) | |
---|---|
Clocolan, 2004 | |
Koördinate: 28°54′50″S 27°34′01″O | |
Land | ![]() |
Provinsie | Vrystaat |
Distrik | Thabo Mofutsanyana |
Munisipaliteit | Setsoto |
Stigting | 1907 |
Oppervlak | |
• Totaal | 19,0 km2 (7,3 vk. myl) |
Hoogte | 1 593 m (5 226 ft) |
Bevolking (2011)[1] | |
• Totaal | 17 602 |
• Digtheid | 926/km2 (2 400/vk. myl) |
Rasverdeling (2011) | |
• Wit mense | 3.6% |
• Indiërs/Asiërs | 0.3% |
• Bruin mense | 0.3% |
• Swart mense | 95.7% |
• Ander | 0.1% |
Taal (2011) | |
• Suid-Sotho | 86.4% |
• Engels | 5.3% |
• Afrikaans | 5.2% |
• Gebaretaal | 1.8% |
• Ander | 1.3% |
Poskode (strate) | 9735 |
Poskode (posbusse) | 9735 |
Skakelkode | 051 |
Die Oos-Vrystaat is alombekend vir die majestueuse sandsteenformasies in die omgewing. Clocolan maak deel uit van die gebied wat van Lesotho verower is gedurende die Basotho-oorloë van die vroeë 1800s. Die area is ryk aan geskiedenis van die Afrikaners wat hulle hier gevestig het asook die Basotho's wat hier gewoon het. Die dorp is die gasheer vir die jaarlikse Veteraantrekker-uitstalling in Maart.
Clocolan het die tweede kleinste distrik in Suid-Afrika maar is een van die beste landboudistrikte in die land. Die area is bekend vir die verbouing van koring en mielies, groot kuddes beeste en skape en die produksie van spesialiteitsvrugte soos kersies.
"Die Plaashuis"-gastehuis is een van die bekendstes in Clocolan en spog met 'n vyfstergraad. Die beskikbare kamers is Ouma Dot se kamer, Oupa Sarel se kamer, Oom Koos se kamer, Tant Ali se kamer, Tannie Maggie se kamer en die Lady Ann kothuis.
Die gemiddelde somertemperatuur wissel tussen 15°C en 32°C en die wintertemperatuur wissel tussen –2°C en 17°C. Die dorp lê in 'n somerreënvalgebied.
Volgens die 2011-sensus het Clocolan-dorp 'n bevolking van 1 349 gehad, waarvan 46,2% Blankes was.[2] Afrikaans (47,1%) en Suid-Sotho (35,5%) is die grootste huistale.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.