![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0b/Chromosome.svg/langaf-640px-Chromosome.svg.png&w=640&q=50)
Chromatied
From Wikipedia, the free encyclopedia
’n Chromatied is een kopie van ’n gedupliseerde chromosoom. Dit is gewoonlik by die sentromeer aan die ander kopie geheg.
![](http://upload.wikimedia.org/wikipedia/commons/thumb/0/0b/Chromosome.svg/640px-Chromosome.svg.png)
Voor replisering bestaan een chromosoom uit een DNS-molekule. Ná die S-fase van die interfase bestaan elke chromosoom uit twee DNS-dubbelspiraalmolekules (DNS-replisering vermeerder dus die hoeveelheid DNS, maar nie die getal chromosome nie). Die twee identiese kopieë – wat elk die helfte van die gerepliseerde chromosoom uitmaak – word chromatiede genoem.[1] Hierdie chromatiede skei eindelik in die lengte om individuele chromosome te word tydens die latere fases van seldeling.[2]
Hulle is gewoonlik geneties identies, of homosigoties, maar kan effense verskille hê vanweë mutasies; dan is hulle heterosigoties.