From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Die Boosmansbos-wildernisgebied van 14 200 ha is geleë 20 km noord van Heidelberg in die oostelike Langeberge van die Wes-Kaap. Boosmansbos, d.w.s. "kwaai man se bos", is genoem na 'n plaaslike kluisenaar van die vroeë 19de eeu wat daarvoor bekend was dat hy jongmense van sy byekorwe verwilder het.
| Boosmansbos-wildernisgebied | |
|---|---|
 | |
| Land | Suid-Afrika |
| Provinsie | Wes-Kaap |
| Naaste dorp | Heidelberg |
  Boosmansbos-wildernisgebied |
|
| Koördinate: 33°55′00″S 20°52′00″O | |
| Oppervlak | 14 200 ha |
Grootberg 33°55′03″S 20°52′32″E, wat in die middel van die gebied lê, is 1 637 m hoog. Die sytakke van die Duiwenhoksrivier wat die suidelike hange dreineer, tuimel langs diep afgronde af tot 200 m bo seevlak aan die suidgrens. In die suidweste van die wildernisgebied is die Grootvadersbosch Natuurreservaat van 250 ha, die mees westelike natuurbos in Suid-Afrika.
Bergfynbos en valleibos word hier bewaar, onder andere spesies van erikas en sewejaartjies. Belangrike woudboomsoorte kom in die valleie voor, soos Outeniekwageelhout, stinkhout en rooi-els (Cunoniaceae).
Reën kom dwarsdeur die jaar in die gebied voor, alhoewel die middel van die somer en winter die droogste tye is wanneer warm bergwinde kan voorkom. Voetpaaie van altesaam 64 km verleen toegang tot die wildernis, waaronder 'n sirkelpad van 27 km wat in twee dae voltooi kan word.
