From Wikipedia, the free encyclopedia
'n Boemerang (Engels: Boomerang) is 'n krom geboë voorwerp, meestal van hout, wat die profiel van 'n vliegtuigvlerk het. As 'n persoon dit gooi sal die boemerang in die lug draai en na die gooier terugslinger.
Daar is aanvanklik geglo dat die boemerang van Australiese afkoms is waar die Aborigines dit gebruik het om mee te jag. Desnieteenstaande is die oudste boemerang in 'n grot in Pole gevind wat meer as 20 000 jaar oud is. Hierdie soort boemerangs keer nie terug na die gooier nie, maar is bedoel om meer stabiel en vir langer afstande te kan vlieg.
Moderne boemerangs keer gewoonlik terug na die gooier, en word hoofsaaklik vir ontspanning gebruik.