From Wikipedia, the free encyclopedia
Artabanus IV, ook bekend as Ardawan IV (Parties: 𐭍𐭐𐭕𐭓), wat in ouer geskrifte soms verkeerdelik Artabanus V genoem word,[1] was van omstreeks 213 tot 224 die laaste koning van konings van die Partiese Ryk. Hy was die jongste seun van Vologases V, wat in 208 gesterf het.
Artabanus IV 𐭍𐭐𐭕𐭓 | |
---|---|
Koning van konings | |
![]() 'n Dragme van Artabanus IV. | |
Koning van die Partiese Ryk | |
Heerskappy | 213-224 |
Voorganger | Vologases VI |
Opvolger | Ardasjir I (Sassanidiese Ryk) |
Oorlede | 28 April 224 |
Dinastie | Arsakiede |
Vader | Vologases V |
Religie | Zoroastrisme |
In omstreeks 208 het Vologases IV sy pa, Vologases V, as koning van die Partiese Ryk opgevolg. Sy bewind was vir 'n paar jaar onbetwis, totdat sy broer Artabanus gerebelleer het. Die stryd om die troon tussen die twee broer het waarskynlik omstreeks 213 ontstaan. Artabanus het 'n groot deel van die ryk verower, onder meer Medië en Susa. Dit lyk of Vologases VI net Seleukië behou het waar hy geld gemunt het.[2]
Die Romeinse keiser Caracalla het twee keer probeer om Artabanus tot 'n oorlog uit te lok, wat daarop dui dat hy Artabanus as die Partiese heerser beskou het. Artabanus het kort daarna oorlog teen Caracalla gemaak en sy magte afgeweer.[3] Vrede is die volgende jaar gesluit.[3] Artabanus het egter nog met sy broer Vologases te doen gehad, wat aanhou geld munt en hom uitgedaag het.[3]
Intussen het die Sassanidiese familie, nou onder prins Ardasjir I, begin om naburige gebiede te verower.[4][5] Sy magte het Artabanus aangeval; sy seun en erfgenaam, Sjapoer I, het ook aan die geveg deelgeneem.[6] Dit slag het op 28 April 224 plaasgevind en Artabanus is oorwin en vermoor. Dit was die einde van die Arsakidiese tydperk en die begin van 427 jaar van Sassanidiese heerskappy.[7]
Ardasjir I het hierna die titel "sjahansjah" ("koning van konings") aangeneem en begin met sy verowerings van 'n gebied wat hy "Iran" genoem het.[8]
Sy magte het Vologases VI kort ná 228 uit Mesopotamië verdryf.[2][9] Pogings in die laat 6de eeu om die Arsakidiese dinastie te herstel was onsuksesvol.[10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.