Apodida

Die Apodida is 'n orde van seekomkommers wat langs die kus tot in die diepsee voorkom. Hierdie orde bevat drie families, 32 genusse en 270 spesies wat as apodides bekend staan.

Apodida
Euapta godeffroyi
Wetenskaplike klassifikasie
Koninkryk:	Animalia
Filum:	Echinodermata
Subfilum:	Echinozoa
Klas:	Holothuroidea
Subklas:	Apodacea
Orde:	Apodida
Families
Familie Chiridotidae Familie Myriotrochidae Familie Synaptidae

Eienskappe

Hierdie seekomkommers het 'n verlengde wurm- of slangagtige vorm en kan tot en met 3 meter (byvoorbeeld Synapta maculata) lank word.

Hul vorm is aangepas om deur die sediment te grawe, soms op 'n soortgelyke wyse as erdwurms. Hul mond word deur 10 tot 25 tentakels omring. Die afwesigheid van pote besorg aan hierdie orde sy naam Apodida, wat sonder pote beteken. Hulle beskik ook nie oor die ingewikkelde respiratoriese bome wat in ander seekomkommers gevind word nie, en haal eerder deur hul vel asem.^[1]

Die ossikels – klein, kalkagtige plate wat in die vel gebed is en kenmerkend tot elke spesie is – kan wiel- en ankervorme insluit.^[2]

Lys van families

Hierdie orde bevat 3 families, 32 genusse en 270 spesies.

• familie Chiridotidae Östergren, 1898
• familie Myriotrochidae Théel, 1877
• familie Synaptidae Burmeister, 1837

Galery

• 
  Chiridota heheva
• 
  Polycheira rufescens
• 
  Euapta godeffroyi
• 
  Euapta lappa
• 
  Polyplectana kefersteinii
• 
  Synapta maculata
• 
  Synaptula lamperti

Verwysings

1. Barnes, Robert D. (1982). Invertebrate Zoology. Philadelphia, PA: Holt-Saunders International. pp. 981–996. ISBN 0-03-056747-5.
2. An illustrated key to the sea cucumbers of the South Atlantic Bight Retrieved 2012-02-12.