From Wikipedia, the free encyclopedia
Geulumpang atawa nan latènjih Sterculia foetida saboh jeunèh bak kayèe nyang na di Acèh. Bak geulumpang rôh lam kawan bak kayèe rayek nyang rupajih rab hi ngon bak panjoe. Kayèm jitimoh bak geulumpang nyan lam gampông atawa lam uteuen nyang toe ngon pasi.
| Geulumpang
| |
|---|---|
Sterculia foetida  | |
 | |
| Taksonomi | |
| Divisi | Tracheophyta |
| Subdivisi | Spermatophytes |
| Klad | Angiospermae |
| Klad | mesangiosperms |
| Klad | eudicots |
| Klad | core eudicots |
| Klad | Superrosidae |
| Klad | rosids |
| Klad | malvids |
| Ordo | Malvales |
| Famili | Malvaceae |
| Subfamili | Sterculioideae |
| Genus | Sterculia |
| Spesies | Sterculia foetida Linnaeus, 1753 |
Jeuet tapeumeri bak geulumpang nyan bak curak bakjih nyang manyang 20 deupa (40 mètè), dheuenjih sulu ngon jitubiet cabeueng bak teumpat nyan santeut ngon jitimoh meutingkat. Ônjih meusapat bak ujông rantèng meukeumat bak tangké nyang panyangjih 12,5 - 24 cm. Rupa ôn nyan panyang ngon tincu bak ujông ôn. Bak jan nyang ka meuteuntèe, lagèe lam musèm khueng bak geulumpang nyan durôh ônjih[1].
_canopy_with_flowers_&_fruits_in_Kolkata_W_IMG_3323.jpg)
Kayèe bak geulumpang rôh lam jeunèh kayèe nyang hana kreueh. Kayèejih han jitheun sagai nibak jipajôh lé bubôk. Adak pih na bak geulumpang nyang rayek, dilèe jareueng that geungui kayèe jih keu geupeugot rumoh atawa peukakaih nyang laèn. Nyang kayém cit kayèe bak geulumpang jeuet keu ngon peugot aneuk kéh atawa ngon peugot peutoe ubeut nyang geungui hana trép[2]. Lawét nyoe nacit geungui kayèe geulumpang nyang ka tuha keu kayèe rungkha langèt-langèt rumoh, saweueb kayèe gelumpang nyan phui ngon hana pueh sabai bak geulabang lé utôh.
Ôn geulumpang jeuet keu ubat sijuek suuem, ngon rhah ôk, atawa geupéh keu ubat ureueng patah atawa meukilah. Kulètjih geureubôh jeuet keu ngon peulurôh kandông bak ureueng inong (abortivum). Saruek boh geulumpang geutôt ngon geungui abèejih, jeuet keu keusumba. Ie abèe nyan jeuet keu ubat sakét iek meunanoh[2].
Bak geulumpang udép lam wilayah nyang luah di Afrika Timu, Asia Seulatan, Asia Teunggara, Pulo-pulo Nusantara sampoe u Australia. Bak saboh peuneugah, bak geulumpang nyan geupeugah teuka jih nibak wilayah Afrika tropis. Nanjih lam bahsa dairah laén lagèe: kepuh, kepoh, jangkang lam Bahsa Jawa; kelompang lam Bahsa Madura; kepuh lam bahsa Indonesia; kelumpang jari lam bahsa Meulayu[2].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
