Bukét Shafa ngon Marwah
From Wikipedia, the free encyclopedia
From Wikipedia, the free encyclopedia
Bukét Shafa ngon Marwah (Bahsa Arab: الصفا والمروة, Latin: Aş-Şafā wa Al-Marwah) nakeuh dua boh bukét nyang na blah rot timu Masjidil Haram di tanoh suci Makkah Al-Mukarramah, Arab Saudi. Nibak dua boh bukét nyankeuh ureuëng Islam geupluëng ubeut antara dua boh bukét nyan na tujôh go gisa nibak watèë geupeubuët rukôn haji ngon 'umrah, nyan geukheun deungon Sa'i (bahsa Arab: سَعِي)[1]. Bukét Shafa ngon Marwah nyan na lam Kitab Suci Al-Qur'an, nibak Surah Al-Baqarah ayat 158.[2]
Bukét Shafa meusambông ngon Jabal Abu Qubais nyang leubèh manyang, Bukét Marwah meusambông cit ngon bukét laén nyang leubèh rayek, Gunong Qa'iqan[3].
Sa'i nakeuh rukôn haji ngon 'umrah, ngon sa'i nyan ureuëng Islam geuingat keulayi nibak masa Siti Hajar watéë apôh apah neupluëng keunoë keudéh bak dua boh bukét Shafa ngon Marwah nyan. Tujuan droëneuhnyan nakeuh keu neujak mita ië keudroëneuh ngon keu aneuk neuh Nabi Isma'il a.s. Nibak masa nyan ureuëng nyan dua ban neukeubah lam padang lé Nabi Ibrahim a.s deungan seubab saboh peurintah nyang teuka dari Allah SWT.[3][4] Nibak keujadian nyan keuh phôn jeuët mata ië Mon Zam-zam, saboh mon nyang ië jih that jeureunèh. Dalam tarèh nyang neupeucaya lé ureuëng Islam, ië Zam-zam nyan jeuët nibak tanoh nyang neugluëng ngon keunuë Nabi Isma'il nyang mantong manyak nibak watèë nyan.
Nibak masa phôn Nabi Muhammad s.a.w., neujak hoi ubéna manusia keu geutamöng agama Islam, nakeuh geumeuhoi ngon geupeusapat ureuëng Makkah di Bukét Shafa, nibak thôn 613 M.[5][6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.