Bukét Shafa ngon Marwah

Bukét Shafa ngon Marwah (Bahsa Arab: الصفا والمروة, Latin: Aş-Şafā wa Al-Marwah) nakeuh dua boh bukét nyang na blah rot timu Masjidil Haram di tanoh suci Makkah Al-Mukarramah, Arab Saudi. Nibak dua boh bukét nyankeuh ureuëng Islam geupluëng ubeut antara dua boh bukét nyan na tujôh go gisa nibak watèë geupeubuët rukôn haji ngon 'umrah, nyan geukheun deungon Sa'i (bahsa Arab: سَعِي‎)^[1]. Bukét Shafa ngon Marwah nyan na lam Kitab Suci Al-Qur'an, nibak Surah Al-Baqarah ayat 158.^[2]

Bukét Shafa dari ateuëh

Bukét Marwah dari meuyub

Neuduëk Bukét Shafa Beureukaih

Bukét Shafa meusambông ngon Jabal Abu Qubais nyang leubèh manyang, Bukét Marwah meusambông cit ngon bukét laén nyang leubèh rayek, Gunong Qa'iqan^[3].

Taréh

Sa'i nakeuh rukôn haji ngon 'umrah, ngon sa'i nyan ureuëng Islam geuingat keulayi nibak masa Siti Hajar watéë apôh apah neupluëng keunoë keudéh bak dua boh bukét Shafa ngon Marwah nyan. Tujuan droëneuhnyan nakeuh keu neujak mita ië keudroëneuh ngon keu aneuk neuh Nabi Isma'il a.s. Nibak masa nyan ureuëng nyan dua ban neukeubah lam padang lé Nabi Ibrahim a.s deungan seubab saboh peurintah nyang teuka dari Allah SWT.^[3][4] Nibak keujadian nyan keuh phôn jeuët mata ië Mon Zam-zam, saboh mon nyang ië jih that jeureunèh. Dalam tarèh nyang neupeucaya lé ureuëng Islam, ië Zam-zam nyan jeuët nibak tanoh nyang neugluëng ngon keunuë Nabi Isma'il nyang mantong manyak nibak watèë nyan.

Nibak masa phôn Nabi Muhammad s.a.w., neujak hoi ubéna manusia keu geutamöng agama Islam, nakeuh geumeuhoi ngon geupeusapat ureuëng Makkah di Bukét Shafa, nibak thôn 613 M.^[5][6]

Nè

1. Mohamed, Mamdouh N. (1996). Hajj to Umrah: From A to Z. Amana Publications. ISBN 0-915957-54-X.
2. "Tafsir Surat Al-Baqarah Ayat 158: Shafa dan Marwah Dua Bukit Syiar Islam". nu.or.id.
3. Hamw, Mahmoud M.; Isa, Abdul Ghani (2019). Makkah Al-Mukarramah: History and Milestones.
4. "IN PICTURES: The story of a Muslim ritual with roots dating back 5,000 years". Al Arabiya English.
5. "Nabi Muhammad SAW: Menyeru dari Atas Bukit Shafa". republika.co.id.
6. al-Mubarkpuri (1995). "Open Preaching". Ar-Raheeq Al-Makhtum (kulit keras)Parameter |format= membutuhkan |url= (bantuan) (dalam bahasa Inggeris). Riyadh: Maktaba Dar-us-Salam. hlm. 82–83.Pemeliharaan CS1: Bahasa yang tidak diketahui (link)

Kitab Meuneumat

• Barmin (Juni 2009). Tempat-Tempat Bersejarah di Tanah Haram. Solo:Tiga Serangkai. ISBN 978-979-045-543-6.
• Ghani, Muhammad Ilyas Abdul; Mesyhady, Anang Rikza (penerjemah) (2004). Sejarah Mekah. Madinah: Fihrisah al-Malik al-Fahad al-Wathaniyyah. ISBN 9960-43-555-5.