Pamukkale
From Wikipedia, the free encyclopedia
Pamukkale, turkchada „paxta qal’asi“ degan maʼnoni anglatadi, Turkiya janubi-gʻarbidagi Denizli viloyatidagi tabiatli joy. Bu hudud termal buloq suvi oqishi natijasida qolgan karbonat minerali bilan mashhur[1][2]. U Turkiyaning ichki Egey mintaqasida, yil davomida moʻtadil iqlimga ega boʻlgan Menderes daryosi vodiysida joylashgan.
Qadimgi Yunonistonning Hierapolis shahri umumiy uzunligi taxminan 2,700 metr (8,860 ft)) boʻlgan travertin qatlami ustida qurilgan. Kenligi 600 m (1,970 ft)ga choʻziladi va 160 m (525 ft) baland. Uni 20 km uzoqlikda Denizli shahridagi vodiyning qarama-qarshi tomonidagi tepaliklardan koʻrish mumkin. Bu hudud mumtoz antik davrdan beri oʻzining termal buloqlari bilan sayyohlarni oʻziga tortadi[1]. Uning ushbu turkcha nomi kaltsitga boy va buloqlar tomonidan ming yillar davomida shakllangan yaltiroq, qordek oq ohaktosh yuzasiga ishora qiladi[2]. Togʻ yonbagʻirlaridan asta-sekin tomchilab tushayotgan minerallarga boy suvlar toʻplanib, mineral teraslar boʻylab quyida joylashgan hovuzlarga quyiladi.
Ushbu hudud 1988 yilda Hierapolis bilan birga YuNESKOning Jahon merosi roʻyxatiga kiritilgan .