సూదిబెజ్జం కెమెరా
From Wikipedia, the free encyclopedia
సూదిబెజ్జం కెమెరా (ఆంగ్లం: Pinhole Camera) కటకం లేని ఒక ప్రాథమిక కెమెరా. మిగతా ఏ దిశలోనూ కాంతికి ప్రవేశం కలుగనివ్వకుండా కేవలం ఒక సూక్ష్మరంధ్రం ద్వారా ప్రతిబింబాన్ని నమోదు చేసే ఒక పెట్టె. ఒక దృశ్యం యొక్క కాంతి రేఖలు పెట్టెకు ఒక వైపు ఉన్న సూక్ష్మరంధ్రం గుండా ప్రయాణించి, ఆ రంధ్రానికి ఎదురుగా ఉన్న పెట్టె మరోవైపున ప్రతిబింబాన్ని తలక్రిందులు చూపే కెమెరా.
ప్రతిబింబం ఏర్పడే వైపు తప్పితే, పెట్టె యొక్క లోపలి వైపు అన్ని వైపులా (రంధ్రం ఉన్న వైపుతో సహా) నల్లని రంగు పూయబడి ఉంటుంది. ఒక స్థాయి వరకు రంధ్రం ఎంత చిన్నగా ఉంటే ప్రతిబింబం అంత స్పష్టంగా ఏర్పడుతుంది. రంధ్రం యొక్క పరిమాణం రంధ్రం వద్దనుండి ప్రతిబింబం వరకు ఉన్న దూరంలో 100వ వంతు గానీ, అంత కంటే చిన్నగా గానీ ఉండాలి.