Филозоф
From Wikipedia, the free encyclopedia
Филозоф — чоловѣк, котрый занимать ся вопросами в розличных областях филозофии, або выучуе тоту науку. Филозоф е мыслитель, котрый выпрацовуе свѣтонагляд.[1]
Подля Платона зачатком филозофии е зачудованя над тым, як фунгуе свѣт, а з того добыте познаня филозоф кладе в основу свого живота. Слово филозоф походить од гр. φιλόσοφος тот, што любить мудрость, а то подля Платона треба розумѣти так, же филозоф не е мудрый чоловѣк, але чоловѣк, котрый глядать мудрость.
„ | Тот, што мудрый и познаня уже мать, не потребуе филозофовати. | ” |
Платон, Lysis 218a |
Жебы быти филозофом, не мусай зыскати ступень PhD, ани абсолвовати даякы курзы филозофии, або прочитати хоть лем едну филозофичну книгу. Очевидно, тото вшитко поможе заострити думаня и забеспечити, жебы сьте не зачали «вынаходити колесо» еще раз, але само по собѣ тото не чинить филозофа.[2]