Australie
From Wikipedia, the free encyclopedia
L'Australie (jndr'ô 'nglise Australia, /əˈstreɪljə/ seconne 'a pronunge d'u luèche[2]), ufficialmènde 'u Commonwealth de ll'Australie, jè 'u seste paise d'u munne pe' grannèzze (7.617.930 km²), 'u cchiù granne de ll'Oceanie e de lle 'ndere Australasie. Tène 'na popolazzione de 22.618.521 de crestiáne[1].
Australie | |
---|---|
Date amministrative | |
Nome comblete | Commonwealth de ll'Australie |
Nome ufficiale | Commonwealth of Australia |
Lènghe ufficiale | 'Nglise |
Capitale | Canberra (340.800 ab. / 2007) |
Politiche | |
Forme de governe | Monarchie parlamendare federale |
Sovrane | Lesabbètte II |
Prime ministre | Scott Morrison |
'Ndipendenze | 1º scennàre 1901 da 'u Regne Aunìte |
Trasute jndr'à l'ONU | 1º novèmmre 1945 1 |
Superficie | |
Totale | 7.617.930 km² (6º) |
% de le acque | 0,9% |
Popolazzione | |
Totale | 22.618.521[1] ab. (2010) (53º) |
Denzetà | 2,79 ab./km² |
Nome de le javetande | Template:AggNaz/Australie |
Sciugrafije | |
Continende | Oceanie |
Fuse orarie | UTC da +8 a +10.30 |
Economie | |
Valute | Dollare australiane |
PIL (nominale) | 762,887 milione de $ (2007) (17º) |
PIL pro capite (nominale) | 36,225 $ (2007) (14º) |
ISU (2007) | 0,970 (assaje ìrte) (2º) |
Consume energetiche | 1,13 kWh/jav. anne |
Varie | |
Codece ISO 3166 | AU, AUS, 036 |
TLD | .au |
Prefisse tel. | +61 |
Sigle autom. | AUS |
Late de guide | Sinistre (↑↓) |
Inne nazionale | Advance Australia Fair |
Feste nazionale | 26 scennàre |
1Jè une de le 51 State ca hanne date vite a ll'ONU jndr'ô 1945. | |
Jè formate da 'u Mainland, ce jè 'a vanne continendale o l'isole prengepále[3], 'a Tasmanie e otre isole minore ditte Terre remote, accume le Isole Cocos e Keeling, l'isoe Christmas (o isole d'u Natèle), l'isole Norfolk, l'isole de Lord Howe, l'isole Macquarie (ca ète conziderate 'na vanne d'a Tasmanie) e l'isole Heard. Canberra reclae pure 'u Territorie antartiche australiane cu lle soje base.
'U paise se iacchie jndr'à ll'Emisfere australe, e jè circunnate da lle oceane Indiane, a ovest e sud, e Pacifiche a est.
Populata da le aborigene pe' cchiù de 40.000 anne, jè state colonizzate da lle 'nglise accumenzanne da 'u XVIII sèchele. Ôsce le australiane, ca chiamane se stesse aussie, sonde 'nu popule furmate da assaje culture, ca cunde non sule aboriggene ed europèe, me pure asiateche, americane e africane.
Da 'u punde de viste polìteche l'Australie jè 'na monarchie costituzionale federale. 'U cape d'ô state jè 'a Reggine d'Inghilterre Lesabbètte II, rappresendate da 'nu guvernatore generale. 'A capitale jè Canberra; me 'a cetate cchiù populose jè Sydney cu otre cetate ca avènene rrète auccume Melbourne, Brisbane, Perth e Adelaide.