Carlomagno
From Wikipedia, the free encyclopedia
I Carlomagno , ó Charlemagne king Inglis kayánib ya king Carolingian dynasty, a méging Ari da reng Frank manibat anyang 768, Ari da reng Lombard manibat 774, at mé-corona yang Emperador da réng Romanu kapamílatán nang Papa Leon III anyang 800. Ápisanmétung néng Carlomagno ing kéraklan king albugang ampóng kalibudtang Europa, at ya ing múmúnang mékilálang emperador a ménibálá king albúgang Europa manibat anyang míbagsak ya ing albúgang Imperio Romano manga atlung síglu báyu ing panaún na.[1] Ing péparagul a estadong Frankish a tinikdó nang Carlomagno ing méging Carolingian Empire, a tutúring dang múmúnang dáké ning Banal a Imperio Romano. Géwá néng sántung Antipope Paschal III—a kaybat tinúring dang é matatanggap—at ngéni tutúring déng beato, a métung a takbang báyu ing pánga-sántu king Iglesia Catolica.