Nick Drake
From Wikipedia, the free encyclopedia
Nicholas Rodney "Nick" Drake (twieled fid-19 ta' Ġunju 1948 – twieled fil-25 ta' Novembru 1974) kien kant-awtur u mużiċista Ingliż, magħruf l-aktar għall-kanzunetti tiegħu fuq sfond tal-kitarra. F'ħajtu naqas illi jiġbed udjenza kbira però maż-żmien xogħlu beda jiġi rikonoxxut.[1][2] Ta' għoxrin sena iffirma ma' Island Records meta kien għadu student tal-Università ta' Cambridge, u ħareġ l-album Five Leaves Left fl-1969. Sal-1972 hu kien irrekordja żewġ albums oħrajn – Bryter Layter u Pink Moon. L-ebda minnhom ma biegħ iktar minn 5,000 kopja mal-ewwel ħruġ.[3] In-nuqqas ta' rieda li kellu li jdoqq quddiem udjenza jew li jkun intervistat ikkontribwixxew għan-nuqqas ta' suċċess kummerċjali.
Nick Drake | |
---|---|
Ħajja | |
Isem propju | Nicholas Rodney Drake |
Twelid | Yangon, 19 Ġunju 1948 |
Nazzjonalità | Renju Unit |
Mewt | Tanworth-in-Arden (en) , 25 Novembru 1974 |
Post tad-dfin | Warwickshire (en) |
Kawża tal-mewt | (drug overdose (en) ) |
Familja | |
Omm | Molly Drake |
Aħwa | |
Edukazzjoni | |
Alma mater |
Eagle House School (en) Marlborough College (en) (1962 - 1966) Fitzwilliam College (en) (1967 - 1969) no value : English studies (en) |
Lingwi | Ingliż |
Okkupazzjoni | |
Okkupazzjoni |
kantawtur kompożitur tal-kanzunetti kitarrist kompożitur kantant |
Moviment artistiku |
mużika tradizzjonali baroque pop (en) mużika folkloristika |
Strument/i tal-mużika |
kitarra pjanu wieqaf clarinet (en) vuċi |
Tikketta tar-reġistrazzjoni |
Island Records (en) Elektra (en) |
Drake sofra minn dipressjoni, partikularment fl-aħħar snin ta' ħajtu. Ħafna drabi din kienet tkun riflessa fil-lirika tiegħu. Meta lesta mit-tielet album, Pink Moon tal-1972, hu rtira kompletament mill-kant lajv u mill-irrekordjar, u mar lura jgħix mal-ġenituri tiegħu f'Warwickshire. M'hemm l-ebda filmat tiegħu ta' Drake bħala adult; inqabad biss f'ritratti u filmati fi tfulitu.[4] Drake miet nhar il-25 ta' Novembru 1974 kawża ta' overdose ta' amitriptilina, antidipressant preskritt; huwa kellu 26 sena.
Il-mużika ta' Drake baqgħet disponibbli matul in-nofs tas-snin 70, imma t-tnedija tal-album Fruit Tree wasslet biex il-katalgu mużikali tiegħu jerġa' jiġi evalwat. Sa nofs is-snin 80 Drake kien qiegħed jingħata kredtu li influwenza artisti bħal Robert Smith, David Sylvian u Peter Buck. Fl-1985, The Dream Academy laħqu l-quċċata tal-klassifiki fir-Renju Unit u l-Istati Uniti b'"Life in a Norther Town", diska miktuba u ddedikata lil Drake.[5] Sal-bidu tas-snin 90, hu sar il-figura rappreżentattiva ta' mużiċista "romantiku kkundannat" fl-istampa mużikali Brittanika u ssemma għal diversi drabi bħala l-influwenza ta' artisti bħal Kate Bush, Paul Weller u The Black Crowes.[6] L-ewwel bijografija tiegħu tfaċċat fl-1997, segwita fl-1998 bid-dokumentarju A Stranger Among Us.