ഹ്യൂഗെനോട്ടുകൾ
From Wikipedia, the free encyclopedia
16-17 നൂറ്റാണ്ടുകളിൽ ഫ്രാൻസിൽ നിലനിന്നിരുന്ന നവീകൃത പ്രൊട്ടസ്റ്റന്റ് ക്രിസ്തീയ സഭയിലെ വിശ്വാസികളായിരുന്നു ഹ്യൂഗെനോട്ടുകൾ. 1530-കളിൽ ജോൺ കാൽവിന്റെ സിദ്ധാന്തങ്ങളിൽ ആകൃഷ്ടരായവരുടെ സമൂഹമായി ഉത്ഭവിച്ച ഇവർക്ക് 1560-കളോടെയാണ് ഹ്യൂഗെനോട്ടുകൾ എന്ന പേരു കിട്ടിയത്. ഫ്രാൻസിലെ പ്രൊട്ടസ്റ്റന്റുകൾക്ക് ലഭിച്ച ഈ പേരിന്റെ പശ്ചാത്തലം വ്യക്തമല്ല.[1] മുൻനൂറ്റാണ്ടുകളിൽ വ്യവസ്ഥാപിത ധാർമ്മികതയെ ധിക്കരിക്കാൻ ശ്രമിച്ചതിനെത്തുടർന്ന് അടിച്ചമർത്തപ്പെട്ട 'വാൾഡെൻഷന്മാർ'[൧] മുതലായ വിഭാഗങ്ങളുടെ പിന്തുടർച്ചക്കാരെ ഈ നവീകൃതസഭ പ്രത്യേകം ആകർഷിച്ചു.[2]