ബോർഡർലൈൻ പേഴ്സണാലിറ്റി ഡിസോർഡർ
From Wikipedia, the free encyclopedia
അസ്ഥിരമായ വ്യക്തിബന്ധങ്ങൾ, തെറ്റായ സ്വത്വബോധം, കടുത്ത വൈകാരികപ്രതികരണങ്ങൾ തുടങ്ങിയ സ്വഭാവവിശേഷതകളുളള ഒരു മാനസികപ്രശ്നമാണ് ബോർഡർലൈൻ പേഴ്സണാലിറ്റി ഡിസോർഡർ (Borderline Personality Disorder - BPD ).[11] [12] ഇത് വൈകാരികമായി അസ്ഥിരമായ വ്യക്തിത്വ വൈകല്യം എന്ന അർഥത്തിൽ ഇത് ഇമോഷണലി അൺസ്റ്റേബിൾ പേഴ്സണാലിറ്റി ഡിസോർഡർ (EUPD) എന്നും അറിയപ്പെടുന്നു, [13] ഈ രോഗമുളളവർ തങ്ങളുടെ വൈകാരികനിലയെ സാധാരണ ആരോഗ്യകരമായ അവസ്ഥയിലേയ്ക്ക് തിരികെക്കൊണ്ടുവരുന്നതിനുളള ബുദ്ധിമുട്ടുകാരണം പലപ്പോഴും സ്വയം ഉപദ്രവിക്കുന്നതിലും മറ്റ് അപകടകരമായ പെരുമാറ്റങ്ങളിലും ഏർപ്പെടുന്നു. [14] [15] [16] ശൂന്യത, ഉപേക്ഷിക്കപ്പെടുമോ എന്ന ഭയം, യാഥാർത്ഥ്യത്തിൽ നിന്നുള്ള അകൽച്ച എന്നീ പ്രശ്നങ്ങൾ അവരെ വേട്ടയാടിക്കൊണ്ടിരിക്കും.[11] ബോർഡർലൈൻ പേഴ്സണാലിറ്റി ഡിസോർഡർ ലക്ഷണങ്ങൾ മിക്കവാറും മറ്റുളളവർക്ക് സാധാരണസംഭവങ്ങളായി തോന്നിപ്പിച്ചേക്കാം. [11] ബോർഡർലൈൻ പേഴ്സണാലിറ്റി ഡിസോർഡർ സാധാരണയായി പ്രായപൂർത്തിയാകുമ്പോൾ ആരംഭിക്കുകയും സാഹചര്യങ്ങൾക്കനുസരിച്ച് ഉടലെടുക്കുകയും ചെയ്യുന്നു.[17] ലഹരിവസ്തുക്കളുടെ ഉപയോഗം, വിഷാദം, ഭക്ഷണ ക്രമക്കേടുകൾ എന്നിവ ബോർഡർലൈൻ പേഴ്സണാലിറ്റി ഡിസോർഡറുമായി ബന്ധപ്പെട്ടിരിക്കുന്നു. [11] ഈ രോഗം ബാധിച്ചവരിൽ 8 മുതൽ 10% വരെ ആളുകൾ ആത്മഹത്യ ചെയ്തേക്കാനുളള സാധ്യതയുണ്ട്. [11] [17] ഈ വൈകല്യത്തെ പലപ്പോഴും മാധ്യമങ്ങളിലും മാനസികാരോഗ്യമേഖലയിലും തെറ്റായി പ്രചരിപ്പിക്കുന്നതിനാൽ, ശരിയായ രോഗനിർണ്ണയം നടക്കുന്നില്ല. [18]
ബോർഡർലൈൻ പേഴ്സണാലിറ്റി ഡിസോർഡർ | |
---|---|
മറ്റ് പേരുകൾ | |
എഡ്വാഡ് മഞ്ച് ൻ്റെ നൈരാശ്യം (1894), ബോർഡർലൈൻ പേഴ്സണാലിറ്റി ഡിസോർഡറുമായി ജീവിച്ചതായി കരുതപ്പെടുന്നയാൾ [4][5] | |
സ്പെഷ്യാലിറ്റി | മനശാസ്ത്രം |
ലക്ഷണങ്ങൾ | അസ്ഥിരമായ ബന്ധങ്ങൾ, സ്വത്വാവബോധം, കൂടാതെ വൈകാരികതകൾ; impulsivity; തുടർച്ചയായ ആത്മഹത്യാപ്രവണത സ്വയംമുറിവേൽപ്പിക്കൽ; ഉപേക്ഷിക്കപ്പെടുമോ എന്ന ഭയം; വിട്ടുമാറാത്ത ശൂന്യതയും; അകാരണമായകോപവും; യാഥാർത്ഥ്യത്തിൽ നിന്നും വിട്ടുമാറിയതായ തോന്നൽ[6][7] |
സങ്കീർണത | Suicide[6] |
സാധാരണ തുടക്കം | Early adulthood[7] |
കാലാവധി | Long term[6] |
കാരണങ്ങൾ | Unclear[8] |
അപകടസാധ്യത ഘടകങ്ങൾ | Family history, trauma, abuse[6][9] |
ഡയഗ്നോസ്റ്റിക് രീതി | Based on reported symptoms[6] |
ഡിഫറൻഷ്യൽ ഡയഗ്നോസിസ് | Identity disorder, mood disorders, post-traumatic stress disorder, C-PTSD, substance use disorders, ADHD, histrionic, narcissistic, or antisocial personality disorder[7][10] |
Treatment | Behavioral therapy[6] |
രോഗനിദാനം | Improves over time[7] |
ആവൃത്തി | Estimations at ca. 1.6% of people in a given year[6] |
ബോർഡർലൈൻ പേഴ്സണാലിറ്റി ഡിസോർഡറിൻ്റെ കാരണങ്ങൾ വ്യക്തമല്ലെങ്കിലും ജനിതകവും നാഡീപരവും പാരിസ്ഥിതികവും സാമൂഹികവും ആയ ഘടകങ്ങൾ ഇതിന് കാരണമാകുന്നുവെന്ന് കരുതപ്പെടുന്നു. [6] [8] ഒരാളുടെ അടുത്ത ബന്ധുവിനെ ഈ രോഗം ബാധിച്ചിട്ടുണ്ടെങ്കിൽ ആ വ്യക്തിയിൽ ഈ രോഗം വരാനുളള സാധ്യത അഞ്ചിരട്ടി കൂടുതലാണ്. [6] പ്രതികൂല ജീവിത സംഭവങ്ങളും ഒരു പങ്കു വഹിക്കുന്നതായി കാണാം. [9]
കൊഗ്നിറ്റീവ് ബിഹേവിയൽ തെറാപ്പി (cognitive behavioral therapy), ഡയലക്റ്റിക്കൽ ബിഹേവിയൽ തെറാപ്പി (dialectical behavior therapy) എന്നീ മനോരോഗചികിത്സകളിലൂടെ സാധാരണയായി ബോർഡർലൈൻ പേഴ്സണാലിറ്റി ഡിസോർഡർ ഭേദപ്പെടുത്താം.[6] ഒരാൾമാത്രമായോ ഒന്നിലധികം പേരുളള ഗ്രൂപ്പായോ ആണ് ബിപിഡി ചികിത്സ നടത്തുക.ഗൗരവമായ രോഗമുളളവർക്ക് ആശുപത്രിവാസം വേണ്ടിവരും.[6]
ഒരു വർഷം ഏകദേശം 1.6% ആളുകൾക്ക് ബോർഡർലൈൻ പേഴ്സണാലിറ്റി ഡിസോർഡർ ഉണ്ടാകുന്നുണ്ട്, ചിലപ്പോൾ ഇത് 6% വരെ ഉയരുന്നതായും കാണാം. [6][19] പുരുഷന്മാരേക്കാൾ മൂന്നിരട്ടിയാണ് സ്ത്രീകളെ ഇത് ബാധിക്കുന്നത്. [7] വയസ്സായവരിൽ ഈ അസുഖം വളരെ കുറവായി കാണപ്പെടുന്നു. [7] ബോർഡർലൈൻ പേഴ്സണാലിറ്റി ഡിസോർഡർ ബാധിച്ചവരിൽ പകുതിയോളം പേർക്കും പത്തുവർഷത്തെ ചികിത്സകൊണ്ട് രോഗാവസ്ഥയിൽ മെച്ചമുണ്ടാകുന്നു. [7] രോഗം ബാധിച്ചവർക്ക് വളരെയധികം ആരോഗ്യസംരക്ഷണം ആവശ്യമാണ്. [7] ഈ അസുഖത്തിൻ്റെ പേരിലെ ബോർഡർലൈൻ (അതിർരേഖ) എന്ന വാക്കിന്റെ അനുയോജ്യത ഇപ്പോഴും ഒരു തർക്കവിഷയമാണ്. [6]