Галерија на старите мајстори
From Wikipedia, the free encyclopedia
Галеријата на старите мајстори (германски: Gemäldegalerie Alte Meister) — уметничка галерија сместена во крило на дворецот Цвингер во Дрезден, Германија. Галеријата е во здание на истакнатиот архитект Готфрид Земпер и има преку 700 слики од старите мајстори од ренесансата до барокот, собирани од изборните кнезови на Саксонија Август II и неговиот син, Август III во првата половина на XVIII век. Во 1746 Август III донел 100 слики од кај војводата на Модена, Франческо III. Во 2007 галеријата лансирала презентација во виртуелниот свет Втор Живот со сите слики од Цвингер.
Галеријата е дел од Државната уметничка збирка Дрезден во сопственост на Слободната Држава Саксонија.