Baruang kutub
From Wikipedia, the free encyclopedia
Baruang kutub adolah baruang nan iduik di Banua Antartika, disabuik juo baruang es. Mamalia iko mamiliki bulu nan taba barwarna putiah. Bulu ko mambantu nyo manyamarkan diri di lingkuangan es jo salju. Bulu di badan baruang kutub dapek mancapai panjang sakitar 5 hinggo 15 cm. Bagian nan paliang panjang dari bulu baruang kutub biasonyo tadapek di lihia jo bahu. Katiko musim dingin tibo, bulu baruang kutub akan tumbuah labiah taba sarato . Bulu ko bafungsi sabagai isolator suhu, manolong inyo untuak mampahankan suhu badannyo di lingkungan nan dingin. Katiko musim panas, bulu baruang kutub nampak labiah tipih sarato bawarna kacoklatan. Iko disebabkan karano bulu musim dinginnyo rontok, baganti jo bulu baru nan labiah tipih tumbuah sabagai panyasuaian ka suhu nan labiah angek. [1][2]
Baruang kutub | |
---|---|
Baruang kutub di Alaska, Amerika Sarikat | |
Klasifikasi ilmiah | |
Kingdom: | Animalia |
Phylum: | Chordata |
Class: | Mammalia |
Order: | Karnivora |
Family: | Ursidae |
Genus: | Ursus |
Species: | maritimus |
Pasebaran baruang kutub di berbagai nagara |
Baruang kutub marupoan salah satu mamalia nan gadang, baruang jantan mamiliki barek sakitar 400 - 800 kilogram, samantaro baruang batino mamiliki barek 180 - 360 kilogram. Tinggi bahu pado baruang mancapai 1,2 meter hinggo 1,5 meter. Di sampiang baruang mamiliki badan nan gadang, inyo mamiliki cakar nan panjang bisa mencapai sekitar 5-10 sentimeter, bagantuang pado individu. Cakar nan kuek sarato tajam, baguno untuak mancari makanan, mamacahkan es, sarato untuak baranang. Baruang kutub mamiliki kaki nan pendek untuak mnolong inyo manggarik di ateh salju jo es sacarao efisien. Baruang kutub juo mamiliki iduang itam jo gadang nan marupoan salah satu ciri khas inyo. [3][4]