Viridarium Augustini Chigii
From Wikipedia, the free encyclopedia
Viridarium suburbanum, quod hodie Villa Farnesina appellatur, Augustinus Chigius argentarius ab anno fere 1506 usque in 1518 creari et ornari curavit, architecto Balthasare Perutio, pictoribus Sebastiano Veneto, Iulio Romano, Sodoma et Raphaele, hortis admirabilibus. In porticu Amoris et Psychae, a Raphaele et Ioanne Utinensi ornata, epulas generosas amicis offerebat,[1] quarum una fuit cena nuptiarum suarum cum Francisca Ordeaschi die 28 Augusti 1519 compactarum, adstante papa Leone X.[2]