Seminarium Theologicum Baptisticum Meridioccidentale
From Wikipedia, the free encyclopedia
Seminarium Theologicum Baptisticum Meridioccidentale est privatum et non lucrativum eruditionis altioris institutum Americanum cum Conventu Baptistico Meridiano consociatum et Arce Vorthensi Texiae situm, unum ex maximis mundi seminariis.[1] Accreditatur a Societate Scholarum Theologicarum in Civitatibus Foederatis et Canada[2] et Societate Meridiana Collegiorum et Scholarum ut gradus baccalaureatos, magistrales, et doctorales concedat.[3] Seminarium Fide et Nuntio Baptistico (2000) pro affirmatione confessionali utitur.[4]
Civitas: Civitates Foederatae Americae
Locus: 32°40′55″N 97°20′53″W
Situs: Texia, Arx Vorthensis
Rectio
Origo
Seminarium conditum est anno 1908, B. H. Carroll conditore et praeside.[5] Ex theologica Universitatis Bayloranae parte ortum est, anno 1901 conditae. Ante 1905, Carroll partem professorum quinque in Seminarium Theologicum Bayloranum mutavit, quod sub aegide Universitatis Bayloranae iam mansit. Anno autem 1907, cum Samuel Palmer Brooks, praeses Universitatis Bayloranae, feriatus in Europa esset, Carroll, tum praeses Collegii Fiduciariorum Bayloranorum, fecit ut pars religionis ab universitate separetur et diploma ei ut institutum separatum donaretur.