Bacchanalia insulae Andri (Titianus)
From Wikipedia, the free encyclopedia
Bacchanalia insulae Andri est tabula a Titiano picta. Hanc tabulam pingendam Titianus suscepit a duce Ferrariae, Alphonso I, ut cubiculum alabastri Aedis Ferrariae ornaret una cum "Baccho et Ariadna" et "Dono Veneris". Postea etiam alii pictores, sicut Velazquius, Poussin et Rubenius hoc idem argumentum susceperunt. Titianus rem cepit e Philostrato, philosopho saeculi III p.C.n. qui opus nomine Imagines composuit, in quo tabulas antiquas – hodie pessumdatas – describebat, inter quas erant "Bacchanalia insulae Andri"[1].