Toulouse
From Wikipedia, the free encyclopedia
Toulouse (Ocitane Tolosa) esas urbo en la departmento Haute-Garonne de la regiono Ocitania, Francia. Segun la demografiala kontado di 2020, ol esis la 4ma maxim populoza urbo di Francia, dop Paris, Marseille e Lyon, havinta 498 003 habitanti, e 1 470 899 habitanti en lua metropolala regiono[2].
Toulouse | ||
Kelk imaji pri Toulouse. | ||
Standardo | Blazono | |
Lando: | Francia | |
Regiono: | Ocitania | |
Departmento: | Haute-Garonne | |
Informo: | ||
Latitudo: | 43°36'16"N | |
Longitudo: | 1°26"38"E | |
Altitudo: | 115 til 263 m | |
Surfaco: | 118.3 km² | |
Habitanti: | 498 003 (2020) | |
Denseso di habitantaro: | 4200 hab./km² | |
Horala zono: | UTC+1 (UTC+2 dum somero) | |
Urbestro: | Jean-Luc Moudenc (LR)[1] | |
Mapo: | ||
Oficala retosituo: | ||
http://www.mairie-toulouse.fr |
Toulouse fondesis dal Romani, e dum la 5ma yarcento ol divenis chef-urbo dil Visigota Rejio. Nun, ol esas sideyo di avional e satelital industrii en Francia. La sideyi di aviono-fabrikanti Airbus (AéroConstellation) ed ATR, e di la fabrikerio di sateliti SPOT jacas ibe. Lua universitato, fondita en 1229, esas un ek la maxim anciena de Europa. Nun, existas altra prestijoza fakultati, nome pri aeronaval injeniorarto. Pro l'existo di ca fakultati e dil universitato, nun Toulouse havas 140 mil studenti universitatala, esanta la 4ma maxim granda studentala urbo di Francia.
Tri loki dil urbo deklaresis Mondala Patrimonio di la Homaro da UNESKO: l'aquedukto Canal du Midi, la baziliko di Sant-Sernin (Santa Saturninus) en stilo Romanesko, e l'anciena hospitalo Hôtel-Dieu Saint-Jacques vicina a la baziliko, pro lia signifiki por la pilgrimo a Santiago de Compostela.