Zhengzhou
From Wikipedia, the free encyclopedia
Ti Zhengzhou ket ti kapitolio ken kadakkelan a siudad ti Probinsia ti Henan iti sentral a parte ti Republika ti Tattao ti Tsina.[2] Maysa daytoy kadagiti Nailian a Sentral a Siudad iti Tsina,[3] ti sentro ti lugar ti Tengnga a Tantanap, ken agserbi a kas ti sentro ti politika, ekonomia, teknolohia, ken edukasion iti probinsia, ken kas pay ti nangruna a sentro ti pagluganan iti Tsina (highway, perokaril, abiasion, komunikasion).[4] Ti lugar ti metropolitano ti Zhengzhou (mairaman ti Zhengzhou ken Kaifeng) ket ti bugas a lugar ti Sona ti Ekonomia ti Tengnga a Tantanap.[5][6]
Zhengzhou | |
---|---|
Prepektura a siudad | |
Nagsasabtan: 34°44′57″N 113°39′38″E | |
Pagilian | Tsina |
Kalawa | |
• Dagup | 7,567.18 km2 (2,921.70 sq mi) |
Populasion (2020)[1] | |
• Dagup | 12,600,574 |
• Densidad | 1,700/km2 (4,300/sq mi) |
Sona ti oras | UTC+08:00 |
Kodigo ti koreo | 450000 |
Kodigo ti lugar | 371 |
Website | www |
Zhengzhou | |||||||||||||||||||||||||||
Napalaka nga Insik | 郑州 | ||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Tradisional nga Insik | 鄭州 | ||||||||||||||||||||||||||
Literal a kaibuksilan | "Pagtaengan ti Zhèng" | ||||||||||||||||||||||||||
|
Ti Zhengzhou ket maysa a Nailian a Sibilisado a Siudad, listaan ti Estado a Nadayeg a Historikal ken Kultural a Siudad, maysa kadagiti Walo a Taga-ugma a Siudad ken maysa kadagiti duyan ti Sibilisasion ti Tsina,[7] kenti nakayanakan nii Duyaw nga Emperador. Iti pakasaritaan, kapitolio idi ti Tsina ti Zhengzhou para kadagiti rinibu a tawen (lima a beses). Iti agdama, adda dagiti dua a Lugar a Tawid ti Kultura ti Lubong (mairaman dagiti 15 a lugar) iti Zhengzhou. Ti Zhengzhou Commodity Exchange (ZCE) ket ti immuna a futures exchange ti Tsina, ti Sona ti Ekonomia ti Eropuerto ti Zhengzhou ket ti immuna a Sona ti Ekonomia ti Eropuerto ti Tsina.[8]
Mabirukan ti siudad iti akin-amianan nga igid ti Karayan Duyaw, ken maysa kadagiti Walo a Nalatak a Taga-ugma a Kapitolio ti Tsina .[9] Kas maysa a sentro ti network ti nailian a transportasion ti Tsina, adda dagiti perokaril a mangikapet ti Zhengzhou ken Europa,[10] ken ti maysa a matarigagay a sangalubongan nga eropuerto (Asia, Europa, Aprika, Amerika, Oceania).[11]
Addan iti populasion ti Zhengzhou kadagiti 10,120,000 nga agtataeng,[12] ken addaan iti GDP iti 1.014-bilion (RMB) idi 2018.[13][14] Ti siudad ket maysa kadagiti naipadakkel a lugar iti rehion ti Henan.[15] Nanaganan idi ti Nalatlatak a Zhengzhou kas maysa kadagiti 13 a rumrummuar a mega-siudad iti Tsina iti reporta idi Hulio 2012 babaen ti Economist Intelligence Unit,[16] ken opisial a nanaganan a kas ti maikawalo a Nailian a Sentral a Siudad Naiyarkibo 2017-12-03 iti Wayback Machine idi 2017 babaen ti sentral a gobierno iti Beijing.[17]