Հնդկաստանի նախագահ
From Wikipedia, the free encyclopedia
Հնդկաստանի նախագահ (հինդի՝ राष्ट्रपति), Հնդկաստանի Հանրապետության ղեկավար, առաջին քաղաքացի, ինչպես նաև հնդկական զինված ուժերի Գերագույն հրամանատար։ Սահմանադրության համաձայն՝ նախագահն ունի նշանակալի իշխանություն, բայց իրականում իշխող լիազորությունները կատարվում են Հնդկաստանի կառավարության կողմից՝ վարչապետի գլխավորությամբ։ Նախագահը, մեծ մասամբ, իրականացնում է ներկայացուցչական գործառնություններ՝ ձևականորեն ընդունելով կառավարության որոշումները։ Մի շարք դեպքերում նա իրավունքի ունի ազատել նահանգների օրենսդրական ժողովները, ինչպես նաև ունի դատապարտյալների ներման իրավունք[3]։
Հնդկաստանի նախագահ
राष्ट्रपति | |
---|---|
Նախագահի դրոշակ | |
Նստավայր | Ռաշտրապատի Բհավան |
Նշանակող | Հնդկաստանի խորհրդարան |
Պաշտոնավարման ժամկետ | 5 տարի |
Ձևավորում | 1950 թվականի հունվարի 26 |
Տեղակալ | Վենկայա Նայդու |
Աշխատավարձ | 150 հազար ռուպի (ամեն ամիս)[1][2] |
Կայք | Հնդկաստանի նախագահ |
Սահմանադրության համաձայն՝ նախագահն ընտրվում է ընտրողների կոլեգիայի կողմից, որը կազմված է Հնդկաստանի խորհրդարանի երկու պալատների անդամներից, ինչպես նաև Վիդհան Սաբհայի՝ նահանգների և տարածքների օրենսդրական ժողովների ստորին պալատների անդամներից[4]։