Idris Elba
aghteyr as kiaulleyder Goaldagh / From Wikipedia, the free encyclopedia
She aghteyr, gienteyder, as kiaulleyder Sostynagh eh Idrissa Akuna "Idris" Elba (ruggit er 6 Mean Fouyir 1972).[2] Ta enney mie er son paartyn ta goaill stiagh Stringer Bell 'sy straih The Wire liorish HBO,[3] DCI John Luther 'sy straih Luther liorish BBC One, as Nelson Mandela 'sy scannane beashnyssagh Mandela: Long Walk to Freedom (2013). T'eh er ny ve enmyssit kiare keayrtyn son Aundyr Golden Globe son yn Aghteyr Share – Mynstraih ny Scannane Çhellveeish, as un cosnit echey, as t'eh er ny ve enmyssit queig keayrtyn son Aundyr Primetime Emmy.[4][5]
Idris Elba | |
---|---|
Elba ayns 2018 | |
Ennym ruggyree | Idrissa Akuna Elba |
Enmyn elley | DJ Big Driis, Idris[1] |
Ruggit |
6 Mean Fouyir 1972 (51 bleeaney d'eash) Lunnin, Sostyn |
Ynnyd beaghee | Lunnin |
Seyraanaght |
Reeriaght Unnaneysit Sierra Leone |
Çhengey | Baarle |
Keird | aghteyr · gienteyder scannane · markiagh jysk · aghteyr scannane · gienteyder recortys · cummeyder · aghteyr ardan · aghteyr çhellveeish · gienteyder çhellveeish · stiureyder scannane |
Bleeantyn obbree | 1994–jiu |
Ynsagh |
National Youth Music Theatre (en) Barking and Dagenham College (en) |
Yrjid | 1.89 m |
Sheshey | Sabrina Dhowre (en) |
Aundyryn | |
Kianglaghyn fysseree as sheshoil | |
IMDb | nm0252961 |
Discogs ID | 959037 |
Models.com | idris-elba |
idriselba | |
idriselba | |
TikTok | idriselba |
Ren Elba cloie ayns American Gangster (2007) as Prometheus (2012) liorish Ridley Scott. Chammah as shen, ren eh cloie Heimdall 'sy scannane Thor (2011) as e scannaneyn eiyrtyssagh Thor: The Dark World (2013), Thor: Ragnarok (2017), as Thor: Love and Thunder (2022), chammah as Avengers: Age of Ultron (2015) as Avengers: Infinity War (2018). Ren eh cloie chammah ayns Pacific Rim (2013), Beasts of No Nation (2015), as Molly's Game (2017). Ayns 2016, chur eh e ghoo rish Chief Bogo ayns Zootropolis, Shere Khan 'sy scannane jantys bio aachummit The Jungle Book, Fluke ayns Finding Dory, as Krall ayns Star Trek Beyond. Hie yn chied scannane er ny stiurey echey ayns 2018 lesh y scannane Yardie ta bunnit er y noaskeeal voish y vlein 1992 fo'n ennym cheddin liorish Victor Headley.[6] Ayns 2021, chloie eh Bloodsport ayns The Suicide Squad, as ayns 2022, ren eh cur goo da'n characteyr Knuckles the Echidna 'sy scannane Sonic the Hedgehog 2 (2022).
Çheumooie jeh'n aghteyrys, ta Elba cloie myr DJ fo'n enmys DJ Big Driis ny Idris as myr kiaulleyder R&B cho-emshiragh.[2][7] Ayns 2016, v'eh enmyssit ayns rolley ny Deiney Smoo Cummaghtagh 'sy Theihll liorish Time 100.[8]