Agglish Hostyn
From Wikipedia, the free encyclopedia
She agglish Chreestiagh ee Agglish Hostyn (Baarle: Church of England). Ta Agglish Hostyn coontit myr agglish vunneeaghtagh Hostyn.[1][2][3] Ta ard-aspick Canterbury ny chleragh smoo shinsheragh, ga dy nee ree ny benrein y Reeriaght Unnaneysit yn ard-chiannoort. She Agglish Hostyn moir-agglish y Chommeeys Anglicaanagh. Ta e shennaghys goll sheear dys yn agglish Chreestiagh va recortyssit ayns Bretyn Raueagh ec y 3-oo eash as dys sushtallys Gregoiragh dys Kent fo laue Augustine Canterbury.[4][5]
Ren yn agglish Hostynagh shaghney yn reirey paabagh tra ren Inry VIII failleil jannoo e phoosey rish Catreeney Aragon y yannoo gyn bree ayns 1534. Ren yn Aachummey Sostynagh greesaghey fo reirey lhiass-reeaghyn Edard VI roish scarrey giare jeh aachummey yn reirey paabagh fo Voirrey I as Philib. Ren Aght y Chiondeeaght 1558 aanoaghey yn scarrey as ren yn Coardailys Ealisaidagh goaill coorse ren lhiggey da'n agglish Hostynagh cur sheese urree hene myr agglish Aachummit as Chatoleagh: