Because (kanaouenn, The Beatles)
From Wikipedia, the free encyclopedia
Because (Peogwir) a zo ur ganaouenn saoznek savet gant ar c'haner-sonaozer saoz John Lennon, daoust ha ma c'heller lenn Lennon-McCartney war golo ar pladennoù (diouzh ar c'henemglev boas a oa bet savet etre an daou arzour).
Displegañ a reas John Lennon edo o tiskuizhañ en ur gourvezvank p'he devoa kroget Yoko Ono da seniñ kentañ klotadoù Klaviersonate Nr. 14[1] (gant Beethoven). Goulennet en devoa ganti o adseniñ e gin ha, diouzh an doare-mañ, e c'hanas ton Because e spered Lennon.
Kaset e oa bet an enrolladennoù da benn e studioioù Abbey Road (Londrez) d'ar 1añ, 4 ha 5 a viz Eost 1969, George Harrison, Lennon, McCartney ha George Martin[2] (1926-2016) o kemer perzh enni. Embannet e voe gant Apple Records d'ar 26 a viz Gwengolo[3] 1969 er Rouantelezh-Unanet, a-gevret gant ar c'hwezek sonenn all eus an albom Abbey Road[4] gant The Beatles.
Adenrollet e voe mouezh ar ganerien, div wech ouzhpenn, war an enrolladenn gentañ evit reiñ ar santad d'ar selaouerien e oa ur c'hor a nav mouezh o kanañ e kensoniezh.