Guring
From Wikipedia, the free encyclopedia
Guring[1][2][3] atawa tinduk (BH)[3][4] adalah ka'adaan istirahat alami bamacam-macam binatang mulai nang manyusui, burung, iwak, wan binatang kada batulang balakang kaya baranga buting Drosophila. Di manusia wan barandak spasias nang lain, guring liwar panting gasan kasihatan. Tanda-tanda kahidupan kaya kasadaran, puls, wan prikuinsi pahinakan manamuni pa'ubahan. Dalam guring normal biasanya fungsi saraf motorik gin saraf sensorik gasan kagiatan nang mamarlu'akan kurdinasi lawan sistem saraf pusat pacang diblukadi, sahingga di wayah guring bacundai gasan kada ba'ungal wan daya tanggap gin bakurang. Fasa pa'alihan matan sadar ka guring disambat pradormitium aan fasa pa'alihan matan guring babulik ka sadar disambat sabagai postdormitium. Di dalam ilmu kadoktoran ilmu nang mampalajari gangguan guring disambat sabagai somnologie.
Dalam bahasa Dayak Ngaju istilah guring disambat batiruh, dalam bahasa Mangkasar disambat tinro, dalam bahasa jawa disambat turu/sare/tilem. dan dalam bahasa Bikol Central disambat torog.
Istilah guring kamungkinan ada hubungannya lawan istilah gurin dalam bahasa Melayu Sarawak nang artinya barabah (berbaring).