Будынак
From Wikipedia, the free encyclopedia
Будынак, сінонім: дом — разнавіднасць наземнага будаўнічага збудавання з памяшканнямі, створанага ў выніку будаўнічай дзейнасці ў мэтах ажыццяўлення пэўных спажывецкіх функцый, такіх як пражыванне (жыллё), гаспадарчая ці іншая дзейнасць людзей, размяшчэння вытворчасці, захоўвання прадукцыі або ўтрыманне жывёл[1]. Будынак ўключае ў сябе сеткі інжынерна-тэхнічнага забеспячэння і сістэмы (абсталяванне) інжынерна-тэхнічнага забеспячэння. Будынак можа мець таксама эксплуатаваныя памяшканні ў падземнай частцы. Збудаванне, якое не мае надземнай часткі, не з'яўляецца будынкам.
Будынак | |
---|---|
Апісана на сайце | whosonfirst.org/d… (англ.) |
Мадэльны элемент | Тадж-Махал, Белы дом і Саграда Фамілія |
Спосаб абслугоўвання | maintenance of built heritage[d] |
Код NCI Thesaurus | C80231 |
Медыяфайлы на Вікісховішчы |
У навукова-тэхнічнай літаратуры часта выкарыстоўваецца спалучэнне слоў «будынкі і будаўнічыя збудаванні». У гэтым спалучэнні «будаўнічыя збудаванні» маюцца на ўвазе ў значэнні як «іншыя будаўнічыя збудаванні, якія не з'яўляюцца будынкамі», напрыклад, інжынерна-тэхнічныя збудаванні (масты, дымавыя трубы, мачты, радыё- і тэлевізійныя вежы і іншае), падземныя збудаванні (тунэлі, падземныя збудаванні метрапалітэна, прытулку і іншае), мемарыяльныя і архітэктурныя збудаванні.