Área de la Badea de San Francisco
From Wikipedia, the free encyclopedia
L'Área de la Badea de San Francisco (n'inglés: San Francisco Bay Area, tamién conocida como The Bay Area, o, a cencielles The Bay) ye una rexón metropolitana xeográfica y étnicamente diversa qu'arrodia les badees de San Francisco, Estaos Xuníos.
Área de la Badea de San Francisco | |
---|---|
Alministración | |
País | Estaos Xuníos d'América |
Estaos | California |
Tipu d'entidá | área metropolitana |
División |
ver
|
Xeografía | |
Coordenaes | 37°49′N 122°22′W |
Superficie | 26390 km² |
Puntu más altu | Copernicus Peak (en) |
Puntu más baxu | Alviso (es) |
Demografía | |
Población | 7 765 640 hab. (1r abril 2020) |
Densidá | 294,26 hab/km² |
Más información | |
Estaya horaria | Tiempu del Pacíficu |
Esta área inclúi grandes ciudaes como San José, San Francisco y Oakland, xunto con árees urbanes y rurales más pequeñes. Na so totalidá, l'Área de la Badea consta de nueve condaos, 101 ciudaes y 7.000 mi².[1] Los condaos son: Alamea, Contra Mariña, Marin, Napa, San Francisco, San Mateo, Santa Clara, Solano y Sonoma.[1]
En xunetu de 2006, l'Área de la Badea cuntaba con 7,2 millones d'habitantes.[2] Ye una de les rexones más riques de los Estaos Xuníos, según la Oficina del Censu de los Estaos Xuníos, cuntando colos ingresos domésticos medios más altos de la nación con más de 65.000 dólares per añu por habitante. L'Área de la Badea contién munches ciudaes, pueblos, bases militares, aeropuertos, parques nacionales, estatales y rexonales, xuníos por una rede masiva de carreteres, autopistes, ferrocarriles, pontes, túneles y trenes de cercanía.
Magar San Francisco ye'l centru cultural y la ciudá más reconocida del Área, San José ye la ciudá más grande, superando a San Francisco per primer vegada na hestoria dende'l censu de 1990. Amás de tener los ingresos domésticos medios más altos de la nación, l'Área de la Badea tien la renta per cápita más alta de cualquier área metropolitana de los Estaos Xuníos[3] y tamién ye una de les árees más políticamente lliberales de la nación.[4] El nivel de vida tamién ye unu de los más altos na nación.[5]