Jacques-Yves Cousteau
From Wikipedia, the free encyclopedia
Jacques-Yves Cousteau (pronunciación en francés: /ʒak iv kusto/; Saint-André-de-Cubzac, 11 de xunu de 1910-París, 25 de xunu de 1997)[16] foi un oficial naval francés, esplorador y investigador qu'estudió'l mar y delles formes de vida conocíes nel agua. Recuérdase sobremanera a Cousteau por ser en 1943, xunto a Émile Gagnan, el coinventor de los reguladores utilizaos inda anguaño nel bucéu autónomu (tanto profesional como recreativu) con independencia de cables y tubos de suministru d'aire dende la superficie. Otros dispositivos de bucéu autónomu yá fueren esperimentaos enantes (regulador de Théodore Guillaumet de 1838,[17] regulador Rouquayrol-Denayrouze de 1864, manoregulador de Yves Le Prieur de 1926, regulador de René y Georges Commheines de 1937 y 1942, reciclador d'aire SCUBA de Christian Lambertsen de 1940, 1944 y 1952)[18] pero foi'l regulador de tipu Cousteau-Gagnan el que s'impunxo hasta los nuesos díes, principalmente pola cencellez y fiabilidá del so mecanismu según pola so llixereza y facilidá de tresporte mientres les inmersiones.
Jacques-Yves Cousteau | |||||
---|---|---|---|---|---|
24 payares 1988 - 25 xunu 1997 ← Jean Delay - Érik Orsenna (es) →
1957 - 1988 | |||||
Vida | |||||
Nacimientu | Saint-André-de-Cubzac, 11 de xunu de 1910[1] | ||||
Nacionalidá | Francia | ||||
Muerte | XVII Distritu de París, 25 de xunu de 1997[2] (87 años) | ||||
Causa de la muerte | infarto agudo de miocardio (es) | ||||
Familia | |||||
Padre | Daniel Cousteau | ||||
Madre | Elizabeth Cousteau | ||||
Casáu con |
Simone Melchior (1937 – 1990) Francine Cousteau (es) (1991 – 1997) | ||||
Fíos/es | |||||
Hermanos/es | Pierre-Antoine Cousteau | ||||
Estudios | |||||
Estudios |
École Navale (es) Collège Stanislas de París (es) | ||||
Llingües falaes | francés[3] | ||||
Oficiu | zoólogu, esplorador, cineasta, anovador, fotógrafu, conservacionista, oceanógrafu, escritor, inventor, guionista, oficial de la Marina Nacional de Francia, biólogu marín, inxenieru, biólogu, direutor de cine, trotamundos (es) , productor | ||||
Llugares de trabayu | Francia | ||||
Premios |
ver
| ||||
Nominaciones |
ver
| ||||
Miembru de |
Academia Francesa[14] Academia Nacional de Ciencies de los Estaos Xuníos Academia del Reinu de Marruecos[15] | ||||
Serviciu militar | |||||
Lluchó en | Segunda Guerra Mundial | ||||
IMDb | nm0184150 | ||||
Jacques-Yves Cousteau tamién yera un fotógrafu y cinematógrafu subacuáticu, y foi'l primeru en popularizar les películes submarines. Les películes y series documentales rodaes mientres les sos esploraciones a bordu del so buque Calypso fueron emitíes por televisión al traviés del so programa documental, El Mundo Submarín de Jacques Cousteau, que mientres años foi tresmitíu en tol mundu, faciendo de Cousteau el más célebre de los divulgadores del mundu submarín. Foi, amás, una de les primeres persones en defender l'ambiente marín de la contaminación, apasionáu por atopar y describir toles especies qu'habiten los mares del globu terráqueo.[19]