Dust Bowl
From Wikipedia, the free encyclopedia
El fenómenu de los años 1930 conocíu como Dust Bowl (lliteralmente, 'Concu de Polvu') foi unu de los peores desastres ecolóxicos del sieglu XX. La seca afectó a les llanures y praderíes que s'estienden dende'l golfu de Méxicu hasta Canadá. La seca enllargóse siquier ente 1932 y 1939, y foi precedida por un llargu periodu de precipitaciones percima de la media. L'efeutu dust bowl foi provocáu por condiciones persistentes de seca, favorecíes per años de práutiques de manexu del suelu que dexaron al mesmu susceptible a l'acción de les fuercies del vientu. El suelu, desaposiáu de mugor, yera llevantáu pol vientu en grandes nubes de polvu y sable tan trupes qu'escondíen el sol. Estos díes recibíen la denominación de ventisques negres» o «vientu negru». El Dust Bowl multiplicó los efeutos de la Gran Depresión na rexón y provocó el mayor desplazamientu de población habíu nun curtiu espaciu de tiempu na hestoria d'Estaos Xuníos. Tres millones d'habitantes dexaron les sos granxes mientres la década de 1930, y más de mediu millón emigró a otros estaos, especialmente escontra l'oeste.[1]