Wallgrabe-Theater
From Wikipedia, the free encyclopedia
S Wallgrabe-Theater in dr Rothuusgass im Zäntrum vu Frybeg isch anne 1953 vun ere Gruppe vu theaterbegeischterete Studänte in eme ehmolige Wyy- un Luftschutzchäller im e Hinterhof vu dr Wallstroß as chleis Chällertheater (Kleines Theater am Wallgraben) grindet wore.
Bi dr erschte Vorstellig am 16. Juni 1953 isch Ein Schlaf Gefangener vum Christopher Fry gspilt wore. Ändi 1960er Johr isch s umzoge in dr Rothuusgass, wyter gleitet vu dr Ingeborg Steiert († 1997) un em Schauspiler Heinz Meier († 2013), wu vor allem dur syy Mitwirkig in Sketsch vum Loriot bekannt woren isch. S Theater het 96 Sitzplätz un isch 1975 s erscht Theater gsi, wu Loriot-Sketsch uf d Bihni brocht het. 2003 het d Regine Effinger, e Gschwischterdochter zum Meier, d Leitig vum Theater ibernuu. Syt 2008 isch dr Schauspiler Hans Poeschl Mitinhaber un leitet s Theater zämme mit syyre Frau Regine Effinger.
Im Johr 2007 hän 32.577 Zueschauer di 311 Uffierige vum Theater bsuecht, im Johr 2008 sin s 24.711 Zueschauer bi 236 Vorstellige gsi.[1]