Näägelimäister
From Wikipedia, the free encyclopedia
Näägelimäister bezäichnet e Grubbe vo anonüüme spootgotische Mooler, wo zwüsche 1479 und 1510 im Gebiet vo dr Schwiz gschafft häi. Si häi nid iire Naame uf iiri Bilder gschriibe, wie s spööter üüblig worde isch, sondern häi uf iiri Bilder zwäi gschnitteni Näägeli zäichnet, äins wiss und äins root. Vo 30 Gmäld mit religiööse Motiv dänggt mä, ass si vo Mooler us dere Grubbe gmoolt worde si und in deren iire Wärkstett entstande si, zerst woorschinlig z Baasel und denn z Bärn, z Baade, z Soledurn und z Züüri.