Künstlergruppe
From Wikipedia, the free encyclopedia
As Künstlergrubbe bezäichnet mä en offene oder e feste Zämmeschluss vo Künstler zun ere Grubbe mit eme Naame. Gründer und Iniziatoore vo Künstlergrubben si scho immer mäistens naamhafti Kunststudänten und Künstler gsi, wo sich um sä ume Künstler zämmegschlosse häi, wo äänligi Ideä gha häi. Vili Künstlergrubben häi e starke Iifluss uf die verschidnige Epoche vo dr Kunstgschicht ghaa. Die chliinsti Künstlergrubbe isch s Künstlerduo, zwäi Künstler wo seer äng verbunde si, hüfig in Lääbenspartnerschafte wie d Niki de Saint Phalle und dr Jean Tinguely, oder dr Gilbert & George.
Im witere Sinn cha mä au literarischi Grubbe und Grubbe vo Muusiker as Künstlergrubbe bezäichne.