Cocteau-Kabinett
From Wikipedia, the free encyclopedia
S Cocteau-Kabinett isch e brivats Museum im Matthis-Gwardier vo dr Schwizer Stadt Baasel gsi, wo ganz em Künstler Jean Cocteau gwidmet gsi isch. Es het bis 2005 existiert.
Dialäkt: Baseldütsch |
Aagfange het s drmit ass e junge Baasler, dr Max Madöry, 1962 — im Doodesjoor vom Cocteau — däm si Kunst für sich entdeggt het. Er het alles mööglige von em afo sammle: Zäichnige, Film, Lithografie, Fotene und nadüürlig Litratuur, und het dehäi e Kunstkabinett ufdoo, bis es em denn noch fast eme halbe Joorhundert doch zvil worde isch und er d Sammlig ufglööst het.[1][2]
Dr Cocteau isch e seer vilsitige Verdräter vo dr Awanggarde gsi und isch as Lüriker, Romansiee, Dramatiker, Essayist, Zäichner und Filmmacher wältbekannt worde. S Museum het Büecher, Autigraafe, Zäichnige, Glaas und Keramik us sim Lääbe und Schaffe zäigt.