Alfred Kubin
From Wikipedia, the free encyclopedia
Dr Alfred Leopold Isidor Kubin (* 10. April 1877 z Leitmeritz (Litoměřice), Böhme; † 20. August 1959 z Wernstein am Inn) isch en östriichische Grafiker, Schriftsteller und Buechillustrator gsi.
Im Kubin siis Wärk isch brägt vo phantastische Draumvisione, wo mit ere nervöse zeichnerische Strichfüehrung dargstellt wärde. Er isch drbii under anderem dur die visionäre und symbolhafte Wärk vom Francisco de Goya, James Ensor, Odilon Redon, Edvard Munch und Max Klinger aagregt worde. Er het fast nume as Grafiker gschafft.
In dr Zit vom Nationalsozialismus si 63 vo sine Wärk as „entarteti Kunst“ aabegmacht und konfisziert worde. Er het aber kei Usstelligsverbot übercho, sondern het 1941/42 im NS-Propagandablatt vom Generalgouvernemänt, dr Krakauer Zeitung, verschiidnigi Zeichnige chönne publiziere.[1]