UmNyondo
ukuhehana kwezisindo neMpekumpeku From Wikipedia, the free encyclopedia
ukuhehana kwezisindo neMpekumpeku From Wikipedia, the free encyclopedia
NgokomChazandalo, umNyondo ungukwenanana okuyisisekelo okubangela ukuthi kube nokuhehana noma ukudonsana phakathi kwazo zonke izinto ezinisisindo. Ezimweni zokunanana ezine eziyinhloko, umnyondo ungobuthakathaka ukwedlula ezinye, ubuthaka cishe izikhathi eziyi-1038 kunesiphoqi seNuzi esiqatha, futhi ubuthaka cishe izikhathi eziyi-1036 kunesiphoqi seNzubawonga, okokugcina ubuthaka izikhathi eziyi-1029 kunesiphoqi seNuzi esibuthaka. Ngokomphumela, awunawo amandla ezingeni lezinhlayiyana zechwe. Kodwa, umNyondo ungukunanana okubalulekile phakathi kwezinto ezinkulu, futhi unquma umDiki wemiZulane, iziNkanyezi, imithalakazi kanye nokukhanya.
Emhlabeni, umnyondo unikeza izinto eziphathekayo ubunzima, futhi umnyondo wenyanga wona obangela kube namadlambi aphezulu ezilwandle. Ekukhulumeni kwansuku zonke, sivame ukuthi izinto ziyawa ngoba umnyondo kaNomkhubulwane uzidonsela phansi. Sikhuluma sengathi isisindo sethu asiguquki. Eqinisweni isisindo sethu siyaguquka lapho ukudonsa komnyondo kuguquka nakho. Inyanga incane kakhulu futhi ukudonsa kumnyondo wayo kungaba ku-1/6 kunowomhlaba. Ngakho noma yini esenyangeni inobunzima obungaba ku-1/6 besisindo sayo uma ikuNomkhubulwane. Okungaguquki inani loTho kuleyonto. Lokhu kubizwa ngokuthi ukulondolozeka kwesisindo. KuNomkhubulwane, isisindo nobunzima kuyafana ezimweni eziningi, nakuba inhlolamnyondo ezwelayo ingahlonga umehluko okhona. Ukungafani kuzohluka kakhulu kweminye imihlaba njengasenyangeni.
Umnyondo uchaziswa ngokunembile ngumbonosu wobucakatho jikelele (ophakanyiswe ngu-Albert Einstein ngowe-1915), ochazisa umnyondo njengenkumbela yomkhathinkathi, hhayi isiphoqi, nokuthi lenkumbela ibangwa ukwabeka ngokungalingani kwesisindo. Isibonelo esiqesayo senkumbela yomkhathinkathi yisiGwinqa, lapho kungekho nento eyodwa - kuhlanganisa nokukhanya - engaphunyuka uma iseduze naso. Kodwana, ezimweni eziningi, umnyondo usondelene nomthetho kaNewton womnyondo wendawoyonke, ochazisa umnyondo njengesiphoqi esibangela ukuba izindikimba ezimbili zihehane.
UmNyondo , owaziwa nangokuthi ukuheha komnyondo, uwukuhehana okwenzeka phakathi kwazo zonke izisindo ezikumkhathilibe. Umnyondo ungukuhehana okusebusweni bomzulane noma enye indikimba yezulu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.