龍落水

龍落水係香港新界東平洲一笪地方，亦係香港地質公園其中一個景點，係一撻長100幾米，厚60至到80厘米嘅白雲質燧石海蝕岩，從山上面向南面慢慢傾斜，好似一條龍蜿蜒游入海入面，岩層邊邊嘅三角形好似一條龍嘅背脊。

龍落水嘅出現，係同佢本身嚿石嘅上下岩層侵蝕嘅情況唔同有關嘅，佢係由岩質好幼細燧石形成嘅，質地好堅硬。而擒住佢上下嘅岩層係抗蝕力比較低嘅灰色鈣質粉砂岩，好容易被風風化同侵蝕。而燧石粉砂岩係因為抗蝕力相對來講比較高先可以保存落來，突喺個地面同海邊。