提示:呢篇文講嘅唔係
符法。
魔術(英文:Magic Trick)係以不斷變化令人覺得不可思議並帶畀觀眾驚奇體驗為核心嘅一種表演藝術,通常會利用掩眼法、特殊手法、助手、道具等。
魔術師係指從事魔術活動,而唔係濫用魔術嚟做啲唔道德或犯法行為嘅人。
魔術唔係只有掩眼法,而係一項務求違反客觀現象嘅表演藝術,必須有純熟嘅手法同精製嘅道具,瞭解觀眾嘅心理同良好嘅表演心態。一個成功嘅魔術能夠令到觀眾睇得如癡如醉,要靠非常好嘅表演同創意。魔術唔係一定要有特殊道具、助手、台前幕後嘅協助,有時候只需要身邊有嘅物件都可以變出一個好魔術。