![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Lennon_Wall_in_CGO_201906.jpg/640px-Lennon_Wall_in_CGO_201906.jpg&w=640&q=50)
香港連儂牆 (第二代)
From Wikipedia, the free encyclopedia
第二代香港(式)連儂牆,係指2019年香港修例風波期間出現嘅多梆壁報牆。起初示威者趁住6月12號包圍政府總部喺第一代連儂牆原址重建連儂牆,直到7月2號畀政府清潔工清走。之後各區居民自發社區連儂牆計劃,喺香港各區整壁報牆,俾各區嘅市民貼出訴求,令香港連儂牆「遍地開花」。
![Thumb image](http://upload.wikimedia.org/wikipedia/commons/thumb/b/bd/Lennon_Wall_in_CGO_201906.jpg/640px-Lennon_Wall_in_CGO_201906.jpg)
![Thumb image](http://upload.wikimedia.org/wikipedia/commons/thumb/3/3a/Tai_Po_Market_Station_underground_tunnel_Lennon_Wall_20190709.jpg/640px-Tai_Po_Market_Station_underground_tunnel_Lennon_Wall_20190709.jpg)
各區嘅連儂牆都選址多人經過嘅公眾地方,譬如行人隧道同行人天橋。當中最大陣仗嘅係大埔墟站附近條行人隧道,兩邊牆都黐滿晒Memo紙,畀人叫做「連儂隧道」,但其後多次被一啲有組織嘅破壞者搞破壞,包括貼上八國聯軍嘅國旗,同埋改裝佈置做靈堂,不過好快就畀街坊修復返。
各區嘅連儂牆間唔中都有唔同政見嘅人搞破壞,當中最大單嘅係8月20號將軍澳景林邨同厚德邨之間嘅行人隧道發生嘅斬人案。
連儂牆貼嘅嘢亦由初頭嘅Memo紙,逐漸發展成各式各樣嘅自製海報同文宣物品,亦有一啲藝術創作,譬如砌出連登豬嘅圖案。
2019年12月,由於泛民主派喺第6屆香港區議會選舉大獲全勝,同時政府加強清理,警方亦加密巡查阻止重建,各地嘅連儂牆逐漸消失。