煙仔，又叫香煙、煙（英文：Cigarette，來自法文「cigarette（細雪茄）」。雪茄來自西班牙文同埋葡文嘅「cigarro」；而「cigarro」來自瑪雅文「siyar」） [1]，係一種用紙包住切碎咗嘅煙絲，卷成圓筒型或者圓錐形嘅消費品。煙仔同水煙、雪茄一樣係煙草產品。
吸煙者點火令煙仔嘅其中一端悶燒，再由另一端透過煙嘴或者直接用口吸入煙氣。大多數現代製造嘅煙仔都係用加工過嘅煙葉同埋好多其他添加劑製成[2]。
通常大家所講嘅煙仔，係指用煙草捲嘅煙仔，但係有時都可以用嚟指類似嘅物品，例如「丁香煙」或者「大麻煙」。煙仔同雪茄嘅區別，主要係煙仔嘅尺寸細過大部分雪茄，用切碎同加工過嘅煙葉，用捲煙紙包裹。雪茄通常由成塊煙葉製造。
煙仔舊時認爲係時尚，不過家下認爲係毒品，燒起嘅化學物質，有害身體，會引致心臟病、肺癌等病。而當中含尼古丁，係種興奮劑，令人上癮。煙仔上癮，就叫煙癮，係好難戒甩。
史
最早嘅煙仔主要用整雪茄剩落嚟嘅碎碴製造。喺九世紀中美洲嘅人用蘆葦或暫吸管吸煙。陶器同埋寺廟雕刻經常描繪瑪雅人—以及後嚟嘅阿茲特克人—嘅祭司喺宗教儀式之中吸煙或者吸食其他精神藥物。比起煙斗或者水煙，煙仔同雪茄依然係加勒比海、墨西哥、中美洲同埋南美洲使用煙草製品嘅常用方法[3]。
南美洲同中美洲用各種植物捲煙仔，西班牙人將呢啲煙仔帶返西班牙，捲煙開始用粟米造嘅紙；到十七世紀，更加開始用高檔嘅紙，當時叫「papelate」。十八世紀戈雅嘅畫 La Cometa、 La Merienda en el Manzanares 同埋 El juego de la pelota a pala 有描述呢種產品[4]。
1830年，煙仔去到法國，並且得到而家嘅名「cigarette」。1845年，法國國有煙草專賣開始生產煙仔[4]。
參加克里米亞戰爭嘅英國士兵從鄂圖曼帝國士兵身上學識捲煙同食煙嘅方法，煙仔開始喺英文系國家流行[4]。
煙仔消耗量以及吸煙率
唔同時期唔同地方嘅吸煙率有好大嘅差異。發達國家吸煙率趨於穩定或有所下降，但係發展中國家嘅煙民數量持續上升[5][6]。
以2002年為例，全球煙產量約莫有5.5 兆支，供應各地共約十一億人（約莫佔全球總人口七分之一）。美國成年人吸煙率已經下降一半，由1965年42%下降到2006年20.8%[5]。但係發展中國家嘅吸煙率，每年大約上升3.4%[6]。
| Percent smoking | ||
|---|---|---|
| 地區 | 男性煙民 | 女性煙民 |
| 非洲 | 29% | 4% |
| 美國 | 35% | 22% |
| 地中海東部地區 | 35% | 4% |
| 歐洲 | 46% | 26% |
| 東南亞 | 44% | 4% |
| 西太平洋 | 60% | 8% |
Source: World Health Organization estimates, 2000
| 國家 | 總人口 （百萬） | 煙仔消耗 （十億） | 煙仔消耗 （平均每人/支） |
|---|---|---|---|
| 中華人民共和國 | 1248 | 1643 | 1320 |
| 阿美利堅合眾國 | 270 | 451 | 1670 |
| 日本 | 126 | 328 | 2600 |
| 俄羅斯聯邦 | 146 | 258 | 1760 |
| 印度尼西亞 | 200 | 215 | 1070 |
| 排名 | 州 | % | 排名 | 州 | % | 排名 | 州 | % | 排名 | 州 | % |
|---|---|---|---|---|---|---|---|---|---|---|---|
| 第一 | 肯德基州 | 28.6 | 第十四 | 南卡羅萊納州 | 22.3 | 第二十七 | 肯薩斯州 | 20.0 | 第四十 | 阿里桑娜州 | 18.1 |
| 第二 | 西維珍尼亞州 | 25.7 | 第十五 | 內華達州 | 22.2 | 第二十八 | 佐治亞州 | 20.0 | 第四十一 | 佛蒙特州 | 18.0 |
| 第三 | 俄克拉荷馬州 | 25.7 | 第十六 | 北卡羅萊納州 | 22.1 | 第二十九 | 北達科他州 | 19.6 | 第四十二 | 華盛頓哥倫比亞特區 | 17.9 |
| 第四 | 密西西比州 | 25.1 | 第十七 | 德拉瓦州 | 21.7 | 第三十 | 維珍尼亞州 | 19.3 | 第四十三 | 科羅拉多州 | 17.9 |
| 第五 | 阿拉斯加州 | 24.2 | 第十八 | 懷俄明州 | 21.6 | 第三十一 | 羅德島州 | 19.3 | 第四十四 | 麻省 | 17.8 |
| 第六 | 印第安納州 | 24.1 | 第十九 | 賓夕凡尼亞州 | 21.5 | 第三十二 | 蒙太拿州 | 19.0 | 第四十五 | 馬利蘭州 | 17.8 |
| 第七 | 阿肯色州 | 23.7 | 第二十 | 艾奧瓦州 | 21.5 | 第三十三 | 新罕布什爾州 | 18.7 | 第四十六 | 夏威夷州 | 17.5 |
| 第八 | 路易斯安娜州 | 23.4 | 第二十一 | 佛羅里達州 | 21.0 | 第三十四 | 內布拉斯加州 | 18.6 | 第四十七 | 華盛頓州 | 17.1 |
| 第九 | 密蘇里州 | 23.3 | 第二十二 | 緬因州 | 20.9 | 第三十五 | 俄勒岡州 | 18.5 | 第四十八 | 康涅狄格州 | 17.0 |
| 第十 | 阿拉巴馬州 | 23.3 | 第二十三 | 威斯康辛州 | 20.8 | 第三十六 | 紐約州 | 18.3 | 第四十九 | 愛達荷州 | 16.8 |
| 第十一 | 田納西州 | 22.6 | 第二十四 | 伊利諾州 | 20.5 | 第三十七 | 明尼蘇達州 | 18.3 | 第五十 | 加利福尼亞州 | 14.9 |
| 第十二 | 俄亥俄州 | 22.5 | 第二十五 | 南達科他州 | 20.4 | 第三十八 | 德薩斯州 | 18.1 | 第五十一 | 猶他州 | 9.8 |
| 第十三 | 密歇根州 | 22.4 | 第二十六 | 新墨西哥州 | 20.2 | 第三十九 | 新澤西州 | 18.1 |
睇埋
參考
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
